JEREMIA 2:17 - Bawm Common Language Bible Version

¹⁷ Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:17 ပူးပေါင်းရင်းမြစ်များ

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

JOB LASUIBU 4:8

Mi nih sualnâk phâisen a nâwn mi ka muh na le, sualnâk chi an vawrh; churawhchun sualnâk leh thilsual an ât.

SAM 107:7

An umnâk ding khuapi leiah lampi ding lakah a kalpi na.

SAM 136:16

A mi tla chu ramkaro ah a lanpi na; a dâwtnâk chu zungzâl asi.

SAM 77:20

Dawrâpu hâwi hen na mi tla chu hotu Mosi leh Aron hen na rui na.

THUFING LASUIBU 15:10

Thil diklo na ti chun, fâk tak hen rêp na si lai; nangmah lakah diknâk a um lo chun na thi lai.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 4:18

Juda, nangmah umdân leh thil na ti mi hen, nangmah tlûnah hi hi na tlungtir mi asi. Na sualnâk nih hi tuarnâk hi a umtir hen na thinlung a sunh asi.

JEREMIA 44:3

An mi tla nih thilsual an ti mi leh ka thin an ka thawktir mi ruangah tu khawm ah râwk kumza hen an um nget rih le, pakhat khawm chunah chun an um lo. Anmah khawm nih, nanmah khawm nih a nan thlâk natu tla khawm nih an sawnh dahlo mi pathian dang tla sinah bâwlnâk an ap le, a rian an ṭuan.

JEREMIA 5:25

Chubang ding ngâk hen, nan sualnâk nih chubang thil ṭha tla chu an dawktir na asi.

EZEKIEL 39:24

Anmah thenhlimh lonâk leh sualnâk hâwi vima hen an tlûnah ka ti na le, ka hertâk na,” a ti.

HOSEA 13:9

“Israel mi tla, ka nan veih na awt! Âunih a nan ṭangpi na lai rawh ne?

MIKAH 1:5

Hi bang zawzawng tla chu Israel mi tla LALPA tlûnah an hel hen an sual ruangah a hawng tlung lai. Israel helnâk ah hin âu me a mawh? Samaria, khuapi chu asi! Juda ram ah milem sawnh ruangah âu a mawh? Jerusalem chu asi!

NUMBER 32:23

Sikhawmsele, nan thutiam hâwitê nan tilo chun LALPA lakah thilsual nan ti mi asi ti ka nan simh na. Chu thu lakah chun palhrahnâk nei lah u; nan sual ruangah rêp nan tawng lai.

DEUTERONOMY 32:10

“Ramkaro, mun kingnâk, thlî rângnâk ah an vâi mi chu a tawng na. Amah â hum ding mi hâwi hen a hum hen a zauhkhenh na.

DEUTERONOMY 32:19

“LALPA nih chu chu a muh rawh chun a thin a thawk le, a fanu leh a fapa tla a nawng na.