JEREMIA 19:7 - Bawm Common Language Bible Version

⁷ Hi mun ah hin Juda mi tla leh Jerusalem thiltum zawzawng chu ka tlawlhtir na lai. An mêlma nih neh hen ka siam na lai le, râltuknâk ah an thah na lai. An ruak tla chu va leh ramsa tla râwl ah ka pêk lai.

JEREMIA 19:7 ပူးပေါင်းရင်းမြစ်များ

2 Lal 21:14

Mihel tla chu ka nawng lai le, anmah nehtu leh an ram râwktu an mêlma sinah ka ap na lai.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

ISAI 29:14

Churuangah ruat lo hâwi tak hen lâu khit hen ka vuak nûnah ka vuak nawlh na lai. Mifing si mi tla chu mi â an hawng si lai le, an finghnâk zawzawng tla chu mang tlâk asi loh,” a ti

ISAI 8:10

Nan ti dân ding a thluk u! Sikhawmsele anna dingchang lai loh. Nan duh tâwk hen hawlh u! Sikhawmsele Pathian kan sinah a um ruangah a thawt ver asi.

JEREMIA 15:2

Zeiah kan kal lai ti hen a nan deih chun, keimah nih ka sim rawh mi kha simh na: A zeimaw mi chu râi lakah thi ding mi an um, chu chu an kalnâk ding mi asi. A zeimaw mi chu râltuknâk ah thi ding mi an um, chu chu an kalnâk ding mi asi! A zeimaw mi chu sungvâng hen thi ding mi an um, chu chu an kalnâk ding mi asi! A zeimaw mi chu sal ah put ding mi an um, chu chu an kalnâk ding mi asi!

JEREMIA 15:9

A fa pasarih nih an veitâk mi nu chu a uai tlek le, a thâw men a suah kho lo. A rangah sûn chu zân ah â chang rawh; ningzak saih hen a um le, a thinlung a fâk. Nan dam rih mi tla khawm nan mêlma tla kan thahtir na awt. Kei, LALPA nih ka sim asi,” a ti.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 22:19

A vûinâk zahkâi chu sanatung nih a nûk ving lai le, Jerusalem kulh lênglei ah lawnh hen a um lai,” a ti.

JEREMIA 22:25

na ṭih mi minung, thah ding hen a nan duhtu tla sinah ka nan pêk awt. Babulon ah mi lalchem Nebukadnezar leh a kawrsen tla sinah kan pêk awt.

JEREMIA 32:28

Hi khuapi hi Babulon lalchem Nebukadnezar leh a kawrsen sinah ka pêk awt; annih nih an lâk lai le,

JEREMIA 34:20

An mêlma, anmah thah duhtu tla sinah ka pêk na lai le, an ruak chu va leh ramsa tla nih an ei lai.

JEREMIA 46:26

anmah thah ding duhtu tla Babulon lalchem Nebukadnezar leh a kawrsen tla kut ah ka pêk na awt. Sikhawmsele chu nehnûn chun, mi tla chu Aigupta ram ah a lânah mi hâwi hen an um nawlh lai. Kei, LALPA nih ka sim asi,” a ti.

JEREMIA 7:33

Ruak tla chu va leh ramsa tla râwl asi lai le, âukhawm nih an âwva na lai lo.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

JEREMIA 8:8

Zeitin fing leh ka dân theih hen nanna ruat zia? Zauhnik u, dân chu lasuirîntu zumhkâilo tla nih an thleng hep.

JEREMIA 8:9

Nan mifing tla chu ningzak saih hen an um le, anna nawk le, anna awh pang. Ka thu an duh lo le; tuah zei finghnâk me anna ting?

LUNGFÂKNÂK 3:37

LALPA duhkâng cho mang asi kumza tâwn.

LEVITICUS 26:17

Ka nan hawitâk na lai le, neh hen nan um lai le, a nan hua natu nih nan tlûnah lâi an rêl lai; nan ṭih tuktarâi na lai le, âukhawm ṭhâwl lo hen nan tek lai.

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

ROM 4:14

Dân ah um mi tla chu ro tingtu tla an si chun lungnâk chu zeikhawm ah a ṭhatvak lo le, thutiam khawm chu zeikhawm asi lo.

1 SAMUEL 17:46

Tusûn ni ah LALPA nih ka kut ah an pêk le, ka nan neh lai le, na ngâwng ka tan lai. Philistia kawrsen sa chu vâ leh ramsa ei ding ah ka pêk lai. Laikulh pumpi nih Israel tla nih Pathian an nei ti an theih lai le,