JEREMIA 19:5 - Bawm Common Language Bible Version

⁵ an fa tla chu bâwlnâk ah mei ah duah ding hen Baal rangah mâichâm an siam. Chubang ti ding hen kei nih thu ka pêk na dahlo; ka thinlung khawm ah a um dahlo.

JEREMIA 19:5 ပူးပေါင်းရင်းမြစ်များ

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

DEUTERONOMY 12:31

An pathian an sawnh dân hen nannih chu LALPA nan Pathian rangah sawnh lah u, annih nih an pathian an sawnhnâk, LALPA nih a hua mi thil fihnungkâi zawzawng an ti ruangah. An mâichâm tlûnah an fa tla bâwlnâk ding ah mei ah an paih na.

LEVITICUS 18:21

Na fa tla Molek pathian sawnhnâk ah mang ding hen pêk lah, LALPA Pathian min mualphohnâk asi ruangah.

2 Lal 17:17

Chu lunglotu pathian sinah an fanu leh an fapa tla bâwlnâk ah mang hen an ap rawh, dâwithiam leh chamchawh thiam sinah krai anna khâi, LALPA mitmuh hen thil diklo ti ding hen anna pumpêk tlak le, LALPA thin an thawktir.

DANIAL 2:29

Na it liauah, mâilei ah thil a hawng tlung ding mi mang leiah na muh le; Pathian nih thil a hawng tlung ding mi nangmah lal rangah a nan muhtir mi asi. Hi thuthup hi ka sinah langh hen a um le,

EZEKIEL 38:10

Hi hi LALPA Zahkâi nih Gog sinah thu a sim mi chu asi: “Chu chu a hawng tlung tikah thilsual leikâng dawn na dawmh lai.

EZEKIEL 20:26

An thil ap lakah anmah ka nawmhtir na le, an fapa tîr tla bâwlnâk ah ka mangtir na. Chu chu anmah rêpnâk leh LALPA kasi ti theihtirnâk ding asi.

2 CHRONICLES 28:3

Thîr hen Baal lem siam mi a nei le, Hinom Vakuam ah rimthâw a duah le, chu milem lakah a fapa tla bâwlnâk ah a mang. LALPA nih Israel kalnâk zawng ah a nar na mi minung tla ti dân a châwng.

NUMBER 22:41

A thâituan ah chun Balaam chu Balak nih Bamoth Baal ah Israel mi tla muh khonâk ah a kâipi rawh.

EZEKIEL 16:36

Hi hi LALPA Zahkâi nih a sim mi chu asi: “Na nipuan tla chu na lît le, nunau â zuar mi hâwi hen a nan duhtu tla leh milem fihnungkâi zawzawng sinah na pêk le, milem tla sinah na fa tla bâwlnâk ah na thah na.

2 Lal 21:6

Bâwlnâk duahphung lakah a fapa a mang. Chamchawh thiam leh kutzalam zauh a châwng, vânsia vânṭhat siamtu leh tin-tlah-ninh thiam tla thu a deih na. LALPA tlûnah thilsual ti hen a thin a runhtir.