JEREMIA 19:4 - Bawm Common Language Bible Version

⁴ Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 19:4 ပူးပေါင်းရင်းမြစ်များ

2 Lal 21:16

Manaseh nih sual nei lo tam tak a thah na le, Jerusalem lampi tla chu thisen hen a luang; hi hi lâwng silo hen, Juda tla chu ruk a sawnhtir na le, LALPA lakah a sualtir na.

2 Lal 23:10

Lalchem Josiah nih chun âukhawm nih Milkom pathian sinah an fanu leh an fapa duah hen bâwlnâk an ap lo rawh ding hen Hinom Vakuam ah lunglotu pathian sawnhnâk mun Topheth khawm a râwk.

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

SAM 106:38

Ngâksia sual nei lo chu an thah na le, chu thahtu tla hen an ram chu an nawmh.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 17:20

Lalchem tla leh Juda mi zawzawng leh Jerusalem ah um mi mikip tla leh hi kulh kawtkâ lût mi tla nih ka thusim ngâi ding hen simh na.

JEREMIA 18:15

Sikhawmsele ka mi tla nih an ka philh le; milem tla sinah rimthâw an duah. An kalnâk ding mi lampi ah an tlû le, lampi li tla ah kal lo rawh hen singsiahnâk umlo mi lampi ah an kal rawh.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 2:34

Na nipuan chu mifîr thisen silo hen mipâm leh sual nei lo mi thisen â buaih. “Sikhawmsele, hi hâwi tluk mi lakah,

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 22:3

“Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

JEREMIA 26:15

Sikhawmsele hi hi theih u: hi simhkannâk hi an pêk na ding hen LALPA nih hawng ka fial mi asi ruangah nan ka thah mi asi chun, nannih leh hi khuapi ah um mi tla chu sual nei lo mi thahtu misual nan si lai,” a ti.

JEREMIA 26:23

Lalchem Jehoiakim sinah an hawngpi le, anih nih chun a thah le, zatlâng vûinâk mun ah a ruak chu an lawnh.)

JEREMIA 44:3

An mi tla nih thilsual an ti mi leh ka thin an ka thawktir mi ruangah tu khawm ah râwk kumza hen an um nget rih le, pakhat khawm chunah chun an um lo. Anmah khawm nih, nanmah khawm nih a nan thlâk natu tla khawm nih an sawnh dahlo mi pathian dang tla sinah bâwlnâk an ap le, a rian an ṭuan.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 7:6

Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 20:26

An thil ap lakah anmah ka nawmhtir na le, an fapa tîr tla bâwlnâk ah ka mangtir na. Chu chu anmah rêpnâk leh LALPA kasi ti theihtirnâk ding asi.

EZEKIEL 7:22

Ka Biakin thil siah an nawmh tikah leh rawkmang tla nih an râwk hen an nawmh tikah ka âwva awtlo.

EZEKIEL 8:11

Chunah chun Israel ruitu sâwmsarih, Saphan fapa Jaazaniah rêlsih hen an um. Rimthâw duah mi anna put seng, rimthâw thawk hen meikhû a hawng suak.

DANIAL 11:31

A kawrsen zeimaw mi nih Biakin an nawmh lai, nisiar bâwlnâk tla an khap lai le, thil ṭihnungkâi a siah lai.

LUK 11:50

Chuvachun, Abel thisen suak thawk hen Zekaria, mâichâm leh biakin karah thah mi thisen suak tiang khan, khuavâng zawzawng thisen, tual um tîr thawk hen suak mi chu, tûliau san mi tla tlûnah hin phû an lam kho lai,’ a ti kha. Ka nan simh na, tûliau san mi tla tlûn khawm hin phû an lam lai.

DEUTERONOMY 13:13

mi-do-tla-lo zeimaw mi nih a lânah nan sawnh dahlo mi pathian sawnh ding hen an khua lakah mi minung tla mahlo leikângah an kalpi na mi nan theih tâwn lai.

DEUTERONOMY 13:6

“Na unau nih mawh, na fapa nih mawh, na fanu nih mawh, na nupi na dâwt tak mi nih mawh, na kâwi tak nih mawh, an thlâk natu nih an sawnh dahlo mi pathian sawnh ding hen an fawrh na kho.

DEUTERONOMY 28:20

“Thilsual nan ti hen LALPA chu nan duh lo asi chun nan tlûnah vânduainâk, nawknâk, lawksawngnâk nan thilti zeizawng ah nan vei dep tiang hen a hawng tlungtir lai.

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

LÂIRÊL 5:8

Israel tla nih pathian thar an thîm liauah ram lakah râltuknâk a um. Israel minung sîng li lakah pakhat tal nih phaw mawh fei mawh anna put ma?