JEREMIA 18:18 - Bawm Common Language Bible Version

¹⁸ Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

JEREMIA 18:18 ပူးပေါင်းရင်းမြစ်များ

SAM 52:2

Midang tla râwk ding na tum le, na lei chu ziahdâr a hâr mi hâwi asi, âwkrâwl na hâwl kumza.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

JEREMIA 11:19

Dawrâ fa zumhkâi thah ding hen put mi hâwi kasi le, ka lakah thilsual ti an tum mi khawm ka theih lo. “Thing a dawr ṭha liau takah kan hâu lai le; âukhawm nih theihlo rawh ding hen kan thah ving lai,” an ti.

JEREMIA 18:11

Tuah, Juda mi leh Jerusalem mi tla chu anmah rêp na ding hen ka tum mi chu ka timhtuah zet rawh ti simh na. An umdân sual tla bâng hen an thilti tla lêt ding hen simh na.

SAM 21:11

A lakah tumnâk diklo leh phiarnâk an siam le, khawmsele an ti kho lo.

JEREMIA 43:2

Churawhchun, Hosaiah fapa Azariah leh Kareah fapa Johanan leh mi zûm tla zawzawng nih ka sinah, “Âwkrâwl thu na sim mi asi. LALPA kan Pathian nih Aigupta va kal hen um lo ding hen hawng kan simhtu ah an fial mi na si lo.

THUFING LASUIBU 18:21

Na thusim chu nangmah nunhtu khawm asi kho, nangmah veihtu khawm asi kho. Churuang chun na thusim zia zia hen na tawng ding asi.

SAM 64:3

An lei chu nâmsâu hâwi hen an tât le, an lîthal hâwi hen thu ṭhalo hen an ka awt.

SAM 57:4

Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

ISAI 32:7

Mi mâwl chu a sual le, thilsual a ti; mipâm tâ chu âwkrâwl hen veitir a tum.

1 Lal 22:24

Churawhchun, khuavâng Zedekiah chu Mikaiah sinah a hawng le, a mêl ah a bengh le, “LALPA thlarau nih zei liauah hawng ka kaltâk ti hen a nan simh?” ti hen a deih.

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

2 SAMUEL 15:31

Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

LEVITICUS 10:11

Mosi mang hen dân kan pêk na mi zawzawng tla kha Israel mi tla rangah nan sîntir na ding asi,” a ti.

JOHAN 9:40

Chun, a sinah Farisai um mi tla nih chun chubang thu chu an theih le, a sinah, “Kannih khawm hi mitchâw kan si bak bei ne?” an ti.

JEREMIA 26:11

Churawhchun, bâwlpu leh khuavâng tla nih ruitu tla leh zapi tla sinah, “Hi minung nih hin kan khuapi râwk ding hen a sim ruangah thi tlâk asi. Nanmah nâ ngelchel hen nan theih,” an ti.

LUK 11:45

Chun, Dân sîntirtu pakhat nih a sinah, “Sîntirtu, hi thu na sim mi hi kannih khawm na kan fâi mi asi,” a ti le, a sâng.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 8:8

Zeitin fing leh ka dân theih hen nanna ruat zia? Zauhnik u, dân chu lasuirîntu zumhkâilo tla nih an thleng hep.

JEREMIA 18:19

Churawhchun, thla ka cham le, “LALPA, thu ka sim mi hi ngâi le, ka mêlma tla nih ka thu an sim mi chu ngâi rawh.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

JEREMIA 37:13

Sikhawmsele, Benjamin kulh kawtkâ ka va tleng le, kawrsen hotu chunah rianṭuan mi a min Irijah Selemiah fapa Hananiah tupa nih a hawng ka dîrtir le, “Babulon leiah tek mi na si!” hawng ka ti.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.

2 CHRONICLES 24:21

Lalchem Joash chu Zekariah an phiarnâk ah a bawp le, mi zapi tla nih Biakin kulh sungah lung hen an seh.

JEREMIA 44:16

“LALPA min hen ngâi ding hen na kan simh mi thu chu kan êl.

LUNGFÂKNÂK 3:62

Nî tlâk hen keimah thu karo an ruat le, an thilti ding mi an ruat.

MIKAH 3:6

“Khuavâng tla, nan ni a dawng awt rawh; nî nih an tlâk khumh na awt. Ka mi tla mahlo leiah nan kalpi na ruangah langhnâk thu nan sim lai lo rawh le, zei thil simkannâk khawm nan nei kho lai lo rawh,” a ti.

MIKAH 3:7

Mâilei thu um ding mi simhkanhtu chu a diklonâk nih ningzak â saih lai. Pathian nih a sâng na lo ruangah nâutir hen an um hep lai.