JEREMIA 18:16 - Bawm Common Language Bible Version

¹⁶ Hi ram hi ṭihnungkâi leh zauhnawmh kumza ding hen an siam. A paltu zawng nih an muh hen an lâu khit lai le; chê ti hen an lû an lei lai.

JEREMIA 18:16 ပူးပေါင်းရင်းမြစ်များ

1 Lal 9:8

Hi Biakin khawm hi siat leh râwk hen a um lai le, a paltu zawng nih lâu khit hen chê an ti lai. ‘Zei rangah hi ram leh Biakin tla hi hâwi hen a ti zia,’ ti hen anna ruah lai.

2 CHRONICLES 29:8

Hi ruangah hin LALPA chu Juda leh Jerusalem tlûnah a thinthawk le, ṭihnâk leh lâunâk mikip sinah a tlungtir. Hi bang tla hi fiang tak hen nan theih asi.

SAM 109:25

Mi nih an ka muh le, an ka nihsanh; an lû an lei le, an ka zauhnawmh.

SAM 22:7

Hawng ka muhtu zawng nih an hawng ka nihsanh; an lei an sâk le, an lû an lei.

SAM 44:14

Phun tla nih zauhnawmh ding hen na kan siam le, an lû an lei le, hawng kan nihsanh.

ISAI 37:22

LALPA nih, “Senakerib, Jerusalem khuapi nih a nan nihsanh le, a nan zauhnawmh rawh.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 19:8

Chubang hâwi siatnâk ṭihnungkâi chu hi khuapi tlûnah ka tlungtir lai le, a paltu zawng an thinlung a purh hen chê an ti lai.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 29:18

Râltuknâk, pâmnâk leh râi hen ka ṭhâwl na lai le, laikulh phun zawzawng tla nih chu chu an muh lai le, an lâu lai. Ka rekrâwitir na mi mun kip ah chubang hâwi hen an lakah thil a hawng tlung mi ruangah an lâu lai. Mi nih an zauhnawmh lai le, an min ah siatbarh mi tla an ti lai.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 44:12

Juda mi tla, um rih mi Aigupta ram ah kal hen um tumtu tla chu an ektê hen an vei dep mi chu ka zauhnik lai. Râltuknâk ah mawh, pâmnâk ah mawh a lian a mê hen Aigupta ram ah an thi hep lai. Zauhnâkah lâu kâi rê hen an um lai le; mi tla nih an zauhnawmh lai le, siatbarh min an puttir na lai.

JEREMIA 48:27

Moab, Israel tla rangah zeitin na nihsanh na zia theih rawh? Rawkmang rual tla nih an tleih na mi hâwi hen na ti na.

JEREMIA 49:13

Keimah nih Bozra khuapi chu zauhnâk ah lâu kâi rê leh a karo hen a um lai ti ka sim asi; mi nih an zauhnawmh lai le, a min ah siatbarh an ti lai. A kiangkam khua zawzawng khawm â râwk pawt lai. Kei, LALPA nih ka sim asi,” a ti.

JEREMIA 49:17

LALPA nih, “Edom tlûnah siatnâk a hawng tlung ding mi chu thungâi a fâk awt ruangah âuzawng a paltu chu an thinlung a purh hen an lâu khit lai.

JEREMIA 50:13

Ka thinthawknâk ruangah Babulon ah âukhawm an um lai lo le; râwk dep hen mâk asi lai le, a paltu zawng chu an lâu khit lai le, chê an ti lai.

JEREMIA 51:37

Chu ram chu thilsia nâwm pawngnâk leh ramsa umnâk mun asi lai. Zauh hen ṭihnungkâi tak asi lai le, chunah chun âukhawm an um lai lo le, a muhtu zawng chu an lâu lai.

JEREMIA 51:43

Khuapi tla chu zauh hen ṭihnungkâi rê hen a um le, mi âukhawm umlonâk leh mi velvâ khawm umlonâk tî umlonâk ramkaro hâwi asi rawh.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

EZEKIEL 12:19

LALPA Zahkâi nih an ram Jerusalem ah um rih mi tla rangah thu a chah mi hi phun pumpi rangah simh na: Tî-râwl an ei tikah an thir lai, tî an din tikah lâu hen anna nîn lai. An ram ah mikip dân nei lo hen um mi an si ruangah an ram chu a karo hen a um lai.

EZEKIEL 27:36

Nang chu na vei mi rawh, na vei pawt mi rawh, laikulh zawzawng sawlehnâk chu ṭihnungkâi asi rawh, nangmah hâwi hen an thi bâk lai ti an ṭih.”

EZEKIEL 36:3

“Thu simkan le, kei, LALPA nih ka sim mi thu hi phuang rawh. A kiangkam ah mi phun tla nih an lâk hen Israel tlâng tla an rûn liauah an ektê hen Israel chu an zauhnawmh.

EZEKIEL 6:14

Asi, ka kut ka phar lai le, an ram ka râwk lai. Simlei ramkaro thawk hen marlei mi Riblah khuapi tiang Israel umnâk zawzawng zuah lo thlo hen a karo hen ka siam awt. Churawhchun, kei, LALPA kasi ti mikip nih an theih lai,” a ti.

LEVITICUS 26:32

Nan ram chu ka râwk dep lai le, nan mêlma a luahtu tla khawm an thinlung a lâu rê lai.

LEVITICUS 26:43

A masa chem hen ram chu mi zapi nih an kaltâk rih ding asi, chu kar chun ram chu a âwl ziar lai le, ka thupêk leh ka dân thu an duh lo ruangah rêp an si lai.

MIKAH 6:16

Lal Omri thilsual ti dân leh a fapa lal Ahab thilsual ti dân nan zûl ruangah chubang chu a hawng tlung lai. An thilti dân nan châwng vima ruangah siatnâk ka hawng tlungtir lai le, mikip nih an zauhnawmh na lai. Munkip mi nih an siar na lai lo rawh.

MATHAI 27:39

Chun, mivel kip nih an lû an sut le,

MARK 15:29

Chun, mi anna vel mi kip nih an lû lei bû hen, “I hi! Nang Pathian Biakin siat hen ni thum ah sak nawlhtu, a damh le,

DEUTERONOMY 28:59

râi dam kho lo leh kaih kho mi ṭihnungkâi, reh kho lo mi nanmah leh nan thlâk tla tlûnah a hawng fial lai.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.