JEREMIA 18:12 - Bawm Common Language Bible Version

¹² Annih nih an sâng lai le, ‘Bâng rîlmâl lah, zei rangah kan bâng êu lai? Kan duh zia zia hen ê-aw ngâilo tak hen thilsual kan ti awt,’ ” an ti lai.

JEREMIA 18:12 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

2 Lal 6:33

Hi thu a sim thluh kâ hen, lal chu a hawng tleng le, a sinah, “Hi bang nawknâk kan lakah tlungtirtu hi LALPA asi! Amah rangah thil zeimawh ti ding hen zei chan me ka ngâk awt?” a ti.

ISAI 57:10

Nanmah khawm pathian dang hâwl hen nan dî phah rê rawh, sikhawmsele nan bâng dahlo rih. Nan milem fihnungkâi nih chaknâk an pêk na ding nan ruat le, churuang chun nan lung a dawng kho lo mi asi.

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

JEREMIA 11:8

Sikhawmsele, an zûl hen an ngâi duh lo. Chu ngâk hen mikip nih an lung an khung tir hen an sual nget rih. Thudântuk zûl ding hen thu ka pêk na le, sikhawmsele an êl. Churuangah an lakah rêpnâk rîn hen um mi zawzawng chu ka tlungtir,’’ a ti.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 2:25

Israel, pathian dang tla ṭhâwl hen na kê dîttir hen na dang chârtir lah. Sikhawmsele nangnih chun, ‘Silo! ka hawng kîr kho lo. Ram dang mi pathian tla ka duh, anmah ka zûl na awt ko,’ ” na ti.

JEREMIA 23:17

Ka thu sim ngâi duhlotu tla sinah, nan lakah zeizawng â rêlkhâwng vima lai an ti na. Mi lungkhung tla sin kip ah siatnâk nih a nan tawngh lai loh,” ti hen an simh na.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 6:17

Churawhchun, LALPA nih, vêngtu tla chu theihtirnâk tâwtawrâwt ngâi ding hen a ruat. Sikhawmsele, annih nih, “Kan ngâi awtlo,” an ti.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

EZEKIEL 37:11

Pathian nih ka sinah, “Thikho mi minung, Israel tla chu hi ruh karo hâwi an si. ‘Mâilei ah lungumnâk zeikhawm umlo hen kan châr fêk rawh,’ a ti.

MALAKI 3:14

‘Pathian rianṭuan hi zeikhawm asi lo nan ti mi ruangah, LALPA nih a sim mi hâwi a thilti mawh thil kan ti rawh mi lakah pawi kan ti mi thu a sinah va langh ding tum hi zei me a ṭhatnâk a um?’ nan ti.

LUK 1:51

A bân hen a tha chak zia a zauhtir le, an thinlung dawnruatnâk tla ah anna zûm mi tla chu a ṭhiau phin.

DEUTERONOMY 29:19

Tusûn ni ah hi bang hâwi khung tak hen ngiarnâk tla hi theihthiam lo hen mah duh thu hen um mi tla khawm nih ka rangah ṭhatnâk asi titu âukhawm an um lo ti theih u. Mi sia khawm mi ṭha khawm, chu nih chun bang ver hen an râwk na lai.