JEREMIA 17:9 - Bawm Common Language Bible Version

⁹ “Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 17:9 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

2 SAMUEL 11:15

Chun, lasui lakah chun: “Uria chu râl sangtu tlar ah siah le, râltuknâk a zual chemnâk mun ah siah, a thi khonâk ding hen,” a ti.

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

SAM 64:7

Sikhawmsele, Pathian nih a thalzum hen a kah na le, lâkkhatko ah anna liam hep.

THUFING LASUIBU 28:26

Mah ngaihdân hen umtu chu âtkâi tak asi. Mah ngâk hen fing mi sîntirnâk zûl le, na him lai.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 1:6

Na lû sîp thawk hen na kezaphah tiang hen na taksa lakah a himnâk rêng a um lo. Thî a suak mi leh mâ leh liam mâ nih an tuam pang. Na liam mi mâ tla chu ṭâwl hen tuam asi lo. Zei turpâng khawm buaih asi lo.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

MARK 2:17

Chun, Jisu nih chu chu a theih le, an sinah chun, “Mi chak tla nih daktawr an herh lo le, miṭia lo tla nih an herh dauh asi; mirep tak tla lam ding hen hawng kal kasi lo le, misual tla lam ding dauh hen hawng kal kasi,” a ti.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

ROM 7:11

Sualnâk nih thupêk ruang chun dêngkhâwng tik tawng hen hawng ka bum le, thupêk chu mang hen hawng ka thah rawh asi.

EPHESI 4:22

“A lânah nan umdân leikângah minung li bumnâk duhnâk hâwi a râwk dadauh kha lît ule,

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.