JEREMIA 17:8 - Bawm Common Language Bible Version

⁸ Tiva kiangah thing a kho mi, tî lakah ram a thlâk mi hâwi asi lai. Ni khua khêu khawm a ṭih lo, a nah khawm a ring kumza ruangah; ruah sûr lah khawmsele a uai lêm lo; a rah a suah kumza.

JEREMIA 17:8 ပူးပေါင်းရင်းမြစ်များ

JOB LASUIBU 29:19

Tî nâwngnâk ah ram a thlâk mi thing amah damtî nih a chinh mi hâwi kasi.

JOB LASUIBU 8:16

Misual tla chu belh hâwi hen nî sa lakah an chawrh le, dûm lakah belh khat dil a zâm mi hâwi an si.

SAM 1:3

Annih chu tinung va kapah thing a kho mi, A tik tê ah rah tâwn mi, a nah khawm châr dahlo mi hâwi an si; An thilti zeizawng ah anna dingchang.

THUFING LASUIBU 11:28

A neihnâk ngauhsantu chu busik pâr ah nah a tlawng mi hâwi hen a um lai le, sikhawmsele mirep lam chu ṭhâlpini thing nah a chawrh mi hâwi asi lai.

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

JEREMIA 39:18

Him tak hen ka nan kilkâwi lai le, thah hen na um lai lo. Keimah na hawng ka rinhsanh ruangah na nungnâk chu a him lai. Kei, LALPA nih ka sim asi,” a ti.

EZEKIEL 31:3

Lebanon tlângah mi sidar thing dawh tak, Leh a ṭeng dâidul ṭha tak, Sâng tak vândâwm tawngh khet mi hâwi na si.

EZEKIEL 47:12

Tiva kapah mi thing chi kip tla chu ei ding pêktu ding hen an ṭhang lai. An nah tla zeiliau khawm a uai lai lo le, rah an suah kumza lai. Biakin thawk hen tiva a luang mi nih a châwm mi asi ruangah thla kip hen an rah lai. Chu thing tla nih ei ding an suah lai le, an nah tla chu mi tla damhnâk ding ah mang asi lai,” a ti.