JEREMIA 17:4 - Bawm Common Language Bible Version

⁴ Ka thinthawknâk chu mei hâwi hen a alh kumza awt ruangah ram ka nan pêk na mi chu nan dawk lai le, nan theih dah lonâk ram ah nan mêlma tla rianṭuantu ah ka nan siam na lai,” a ti.

JEREMIA 17:4 ပူးပေါင်းရင်းမြစ်များ

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 Lal 25:21

Chunah chun lal nih a vuak na le, a thah na. Juda tla chu an ram ah mi chu sal ah put hen an um rawh.

NEHEMIAH 9:28

An thla a ngam chun a lîlâ hen an sual nawlh le, churawhchun an mêlma tla anmah nehtu ah na siam na. An rim hen na sinah ruangsuah ding hen an ngiar chun, nangnih vân thawk hen na ngâi piak na tâwn le, na khuaruatnâk ruangah ruang na suah na.

ISAI 14:3

LALPA nih chun Israel mi tla chu an nganfâk leh tuarnâk leh zângran ko hen rian fâk tak an ṭuantir na nâk lakah mi chu a âwltir na lai rawh.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

JEREMIA 12:7

LALPA nih, “Israel chu ka kaltâk le; ka phun thîm tla chu ka nawng rawh. Ka dâwt mi minung tla chu an mêlma thiltikhonâk lakah ka pêk na rawh.

JEREMIA 15:14

Ka thinthawknâk chu mei hâwi hen a alh kumza ruangah an theih dah lonâk ram ah mi an mêlma tla rianṭuantu ah ka siam na awt,” a ti.

JEREMIA 16:13

Churuang chun, hi ram a mi hi kan suah ving na lai le, nanmah leh an thlâk natu theih dah lonâk ram ah kan siah na awt. Chunah chun pathian dang tla rian a sûn a zân hen nan ṭuan lai le, nan tlûnah kei nih khuaruatnâk ka langh awtlo rawh,’ ” a ti ti hen simh na.

JEREMIA 18:23

Sikhawmsele, LALPA, thah ding hen an ka tum mi tla na theih asi. An thilsual ti chu ngaihdam lah na le, an sualnâk tla khawm ngaihdam lah na. Neh ding hen siam na le, na thinthawk liauah do na rawh,” ka ti.

JEREMIA 2:14

“Israel chu sal asi lo; sal fa khawm asi lo. Chu hâwi asi chun zei rangah a mêlma tla nih an nâuneh ne?

JEREMIA 22:28

Kei nih, “Lalchem Jehoiakin chu bêl kuai lawnh rawh mi âunih khawm duh lo mi hâwi asi rawh na maw? Zei rangah anih chu a fa tla hen an theih dah lonâk ram ah sal ah put ving hen an um le?” ka ti.

JEREMIA 5:19

Jeremia, hi zawng thil hi zei rangah ka ti, ti an deih tikah, an hawng ka hawitâk hen ramdang pathian tla rian an ram ah an ṭuan hâwi hen, anmah ram silo ah ramdang mi tla rian an ṭuan ding mi simh na,” a ti.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

LUNGFÂKNÂK 5:2

Kan thil-le-rî chu khual tla kut ah a um le; ramdang mi tla chu kan in tla ah an um.

EZEKIEL 21:31

Meialh hâwi hen na lakah ka hawng thlah tikah ka thinthawknâk chu na theih lai. Mi rualo, râwk thiam mi kutah ka nan pêk lai.

EZEKIEL 7:24

Ramdang minung sual tak ka hawng put lai le, nan in tla ka pêk na awt. Phun tla chu nan sawnhnâk mun ka nawmhtir na tikah nan mi chak chem tla khawm anna zûm lai lo rawh.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.