JEREMIA 17:23 - Bawm Common Language Bible Version

²³ An thlâktu tla nih ka thu an ngâi duh lo le, zeikhawm an siarlo. Chu hâwi ding ngâk hen an lung a khung; ka thu an ngâi duh lo hen theih ding an duh lo.

JEREMIA 17:23 ပူးပေါင်းရင်းမြစ်များ

SAM 50:17

A nan diktir ding hen na ka duh lo le. ka thupêk khawm na duh lo.

THUFING LASUIBU 1:3

Hi thu nih hin fing ding leh zumhkâi ding leh rep hen ṭha ding hen an sîntir kho.

THUFING LASUIBU 1:5

Hi thufing nih hin, mifing tla theihnâk leiah sap hen mi lasuithiam tla rangah ruinâk asi.

THUFING LASUIBU 29:1

Zeiliau zawng ah nunsimh kip ah na lungkhung chun, veikhat chu na râwk teh lai le, na ṭha kho lai lo rawh.

THUFING LASUIBU 5:12

“Zei rangah ka ngâilo aw? Zei rangah nun hawng ka simhtu ding ka duh lo.

THUFING LASUIBU 8:10

Tangkasa ngâk hen kan sîntirnâk hi thîm rawh; ngûn a ṭha chem mi ngâk hen theihnâk hi thîm dauh rawh.

ISAI 48:4

Thîr chang tak leh dâr khauh tak hâwi hen nan lung a khung awt mi ka theih.

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 6:8

Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

JEREMIA 7:28

Nan phun tla nih LALPA an Pathian khawm an theih lo, a rêp na mi khawm an theih lo ti hen simh na. Zumhkâinâk chu a thi rawh. A thu khawm sim asi lo rawh.

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

EZEKIEL 20:16

Thu ka tiamh na mi a san chu ka thupêk tla an duh lo le, ka dân tla an buar hen Dinhni tla an nawmh le, an milem tla sawnh ding an tum ruangah asi.

EZEKIEL 20:21

“Sikhawmsele, chu thlâk tla khawm nih an ka siarlo. Ka dân tla an buar le, ka thupêk âuzawng a zûltu rangah nungnâk ding mi chu an zûl duh lo. Dinhni tla an nawmh. Anmah tla ramkaro ah thah hep na ding hen ka thinthawknâk fâk tak theihtir na ding ka tum.

ZEPHANIAH 3:7

Churawhchun, ka mi tla nih an hawng ka zah lai rawh le, ka nunsimhnâk khawm an pawm hen ka sîntir na mi khawm an philh lai lo ti ka ruat. Sikhawmsele a lân a mi hâwitê hen ṭhalo tak hen an um nawlh sawm fâwn.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

LÂIRÊL 6:10

Kei chu LALPA nan Pathian kasi, tuah nan umnâk ram ah mi Amor pathian tla chu nan sawnh ding asi lo kan ti na. Sikhawmsele ka thu nan ngâilo,” a ti.