JEREMIA 17:18 - Bawm Common Language Bible Version

¹⁸ Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JEREMIA 17:18 ပူးပေါင်းရင်းမြစ်များ

JOB LASUIBU 16:14

Hawng ka liamh nûnah a ka liamh nget rih. Kawrsen â a kal rawh mi hâwi hen huat kâi tak hen hawng ka do.

SAM 35:4

Thah ding hawng ka tumtu tla chu neh leh ningzak saih hen um na seh. Hawng ka dotu tla chu kîr hen zâm na seh!

SAM 35:8

Sikhawmsele, an theihmanh lân karah siat leh râwknâk nih anmah tla a tleih na lai le; anmah thang nih a awh na hen anmah siatnâk ah an tlû lai!

SAM 40:14

Thah ding hawng ka awttu tla chu neh leh nawk hen um na seh. Ka lawksawngnâk ah lâwptlotu tla hi kîr leh ningzak tak hen um na seh.

SAM 70:2

Thah ding hawng ka tumtu tla chu neh leh nawktir hen um na seh. Ka lawksawng ruangah lâwptlotu tla chu dunglei ah kîr hen leh mualpho hen um na seh.

SAM 71:1

LALPA, hawng ka hum ding hen na sinah ka hawng; neh hen hawng ka umtir rîlmâl lah!

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

JEREMIA 11:20

Churawhchun, thla ka cham le, “LALPA Zeizawng tikho, nang chu lâirêltu rep na si; minung thinlung dawn leh theihnâk tla chu na nik. Ka lawksawngnâk chu na kut ah kan ap, churuang chun hi minung tla lakah lehrûl na sam mi hawng ka ngâktir,” a ti.

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 14:17

LALPA nih chun, ka lawksawng thu tla zapi sinah va sim ding hen thu hawng ka pêk le: “Ka mit ah mi mitthli chu a sûn a zân hen luang seh, ka mi tla chu anna liam zia a fâk ruangah leh fâk tak hen nganfâk pêk an si ruangah ka ṭap bâng lah seh.

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 17:16

Sikhawmsele, LALPA, an lakah siatnâk na tlungtir ding hen ka nan fawrh lo, an rangah nawknâk tik hawng tlung ding khawm ka duhpi na lo. LALPA, chu chu nangmah nih na theih le, thu ka sim mi tla khawm na theih.

JEREMIA 17:19

LALPA nih ka sinah, “Jeremia, kal le, zapi tla kulh kawtkâ Juda Lalchem tla lûtnâk leh suaknâk ah ka thuchah va sim rawh; churawhchun Jerusalem kulh kawtkâ dang khawm ah va kal ver.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

DEUTERONOMY 33:11

LALPA, an phun tla chu ṭhang ding hen ṭangpi na; An thilti lakah a lâwm rawh. An mêlma tla chu râwk dep na le; Thawktir nawlh lah na rawh,”a ti.

THUPHUANG 18:6

Amah nih a nan ti na mi hâwi hen va tirûl bâk u, amah thilti lehnih hen rulh bâk u. A nan dintir na mi lehnih ngâk a chak hen, a hâi lakah tleng piak bâk u.