JEREMIA 17:16 - Bawm Common Language Bible Version

¹⁶ Sikhawmsele, LALPA, an lakah siatnâk na tlungtir ding hen ka nan fawrh lo, an rangah nawknâk tik hawng tlung ding khawm ka duhpi na lo. LALPA, chu chu nangmah nih na theih le, thu ka sim mi tla khawm na theih.

JEREMIA 17:16 ပူးပေါင်းရင်းမြစ်များ

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 15:15

Churawhchun, kei nih, “LALPA, nangnih na theihthiam. Hawng ka theihkumza le, hawng ka ṭangpi rawh. Hawng ka nehsawhtu tlûnah lehrûl hawng ka sam piak. Thah kho ding hen an hawng ka awttu tla lakah chun a dawnh tuk lah. Nangmah ruangah zauhnawmh kasi mi hi theihkumza.

JEREMIA 18:20

Thil ṭha hi thilsual hen leh ding ma asi? Sikhawmsele, ka tlâknâk ding hen khur an chawh. Na thinthawk hen an tlûnah thil na ti lonâk ding hen, na sinah hawng hen anmah ruangah thu ka sim mi tla theihkumza rawh.

JEREMIA 20:7

LALPA, na ka perpet le, perpet hen ka um rawh. Kei ngâk hen nang chu na chak dauh le, na thiltikhonâk hen na ka neh. Mikip nih an ka nihsanh le, nî tlâk hen an ka tluktlak.

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

AMOS 5:10

Nannih hi thudik dotu leh lâirêlnâk ah thudik simtu tla huatu nan si.

THILTI 20:20

Kha hâwi hen khan a ṭhatvaknâk thu nan sinah zeikhawm sim ka sûm lo le, mi zatlâng lakah leh in kip ah ka nan sîntir na tâwn kha.

THILTI 20:27

Pathian ruat zawzawng a ektê hen nan sinah simh kâ sûm lo kha.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JEM 3:1

Ka unau tla, nan lakah mi tam tak hi, sîntirtu ah um lah u, kannih sîntirtu tla nih lâirêlnâk fâk khun midang ngâk hen fâk kan tawng lai ti nan theih.