JEREMIA 17:13 - Bawm Common Language Bible Version

¹³ LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 17:13 ပူးပေါင်းရင်းမြစ်များ

SAM 22:4

Kan thlâktu tla nih nang chu a nan zumh le; a nan rinhsanh le, ruang na suah na.

SAM 69:29

Sikhawmsele, kei lam chu nganfâk leh lungdawng hen ka um; Pathian, hawng ka châwi le, ruang hawng ka suah!

SAM 71:5

LALPA, ka ngâksiatê thawk hen ka lungumnâk ka siah hen ka nan ngauhsan.

SAM 73:27

Nangmah nih na kaltâk mi chu a vei ngelchel lai; na lakah mi zumhkâilo chu na veih na lai.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

THUFING LASUIBU 10:7

Mi ṭha tla chu malsâwmnâk hâwi hen theihkumza an si lai, sikhawmsele misual lam chu philh sawm an si lai.

THUFING LASUIBU 14:14

Mi ṭhalo tla nih anmah umdân hâwi zia hen an tawng lai. Mi ṭha tla lam chu an thilti ruangah lâwmman pêk an si lai.

ISAI 1:28

Sikhawmsele, a lakah sualtu leh heltu tla chu a veih na lai le; amah kaltâktu zawng chu a thah na lai.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 14:8

Nang chu Israel tla lungumnâk na si le, siatnâk lakah hawng kan humtu na si. Zei rangah kan ram ah mikhual hâwi leh khualtlâwng minung zân khat cho riak mi hâwi hen na um?

JEREMIA 17:17

Ka rangah ṭihnungkâi hen um lah le; nang chu lawksawngnâk tlung liauah ka himnâk mun na si.

JEREMIA 17:18

Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JEREMIA 17:5

LALPA nih, “Ka lakah mi hawng ka hawitâk hen minung a thi kho mi chaknâk ah â ngauh mi chu ka mawhtir awt.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

EZEKIEL 36:32

Israel, hi bang zawzawng ka ti mi hi nanmah zârah ka ti mi asi lo ti nan theih ding ka duh. Nan thilti lakah ningzak leh mualpho kâi zia nan theih ding hen kan duh na. Kei, LALPA Zahkâi nih ka sim asi,” a ti.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

JOEL 3:16

LALPA nih Zion thawk hen hâu a suah le, Jerusalem thawk hen khuarît hâwi hen hâu a suah le, tual leh vân a thir. Sikhawmsele a mi tla lam chu a vêng na lai.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

THILTI 28:20

Chubang leikângah chun nanmah muh ding hen ka nan kawh na asi; Israel tla lungumnâk ka bawppi ruangah hi chikchîn hi khih kasi,” a ti.

1 TIMOTHE 1:1

Pawl, Pathian ruang hawng kan suahtu leh Krist Jisu kan lungumnâk ruat mi hâwi hen, Krist Jisu mifial nih chun:

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.