JEREMIA 17:11 - Bawm Common Language Bible Version

¹¹ Mi, zumhkâilo tak hen tangka tawngtu chu, va, amah ti silo mi awptu hâwi asi. A san lâi liauah a neih chu a vei lai le, a dawnghnâk ah zeikhawm silo hen mi â hâwi asi lai.

JEREMIA 17:11 ပူးပေါင်းရင်းမြစ်များ

JOB LASUIBU 20:21

A eibang a leifuan khawm a um lai lo le, a neihnâk chu a dawng ving lai.

SAM 49:13

Mah leh mah â zûm mi tla tlûnah zei thil a hawng tlung zauhnik, mah neih lakah anna lâwm mi tla siatnâk chu vânduainâk ah dawrâ hâwi hen an thi le,

SAM 55:23

Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.

THUFING LASUIBU 13:11

Awldek hen neih chu rang tak hen veihnâk asi. Hamh dauh hen hâwl chu tam dauh tawngnâk asi.

THUFING LASUIBU 15:27

Diklo tak hen lêp ding na tum chun na dâwngsungkhur ah nawknâk na siam mi asi lai. Nawhnâk ei lah le, na dam sâwt lai.

THUFING LASUIBU 21:6

Zumhkâilo hen neihnâk na ting mi chu a vei sawm lai. Sikhawmsele thihnâk na tawng lânah asi lai.

THUFING LASUIBU 23:5

Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

THUFING LASUIBU 28:16

Theihnâk ṭha nei lo hen lâirêltu chu mi nehsawhtu asi. Zumhkâilonâk huatu nih chun sâwt tak hen lâi a rêl lai.

THUFING LASUIBU 28:20

Mi zumhkâi tla nih chun, thinlung ah duhnâk tling hen nunnuam tak hen an um lai. Sikhawmsele neih mawhlah tuk na si chun, rêp hen na um lai.

THUFING LASUIBU 28:22

Mah mâika sialtu nih neih sawm duhnâk an nei le, thil-le-rî a vei awt ti a theih lo.

THUFING LASUIBU 28:8

Nei duh ruangah pûk midang sinah a fa na lâk chun, na neih chu mipâm zângfahtu tâ asi lai.

JEREMIA 22:13

Diklo tak hen a in saktu leh zumhkâilo hen kâutirtu; a ram mi minung an rianṭuan man pêk lo hen zeikhawm lo hen rianṭuantirtu chu a vânduai asi.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

AMOS 3:10

LALPA nih, “Hi bang mi tla nih hin dân buar leh siat leh râwk hen thil an lâk mi tla hen an in sung tla an khattir, zumhkâi hen um ding dân khawm an theih loh.

MIKAH 2:9

Ka mi tla nih an dâwt tak mi nunau tla in ah nuam tak hen an um mi chu nan nar na le, mal ka sâwm mi an fa tla chu nan rawk na.

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

ZEPHANIAH 1:9

Lunglotu pathian sawnhtu tla hawi hen mi thil fîr leh mi thah hen thil-le-rî lâk mi hen an hotu in khattir tumtu tla chu ka rêp na awt,” a ti.

ZEKARIA 5:4

LALPA Zeizawng tikho nih chun misual leh mifîr âwkrâwl hen thutiamtu in kip ah hi siat hi ka fial awt ti a sim. An in tla lakah a châm thlo lai le, râwk dep hen a siam na lai,” a ti.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

LUK 12:20

Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti.

1 TIMOTHE 6:9

Sikhawmsele, neih tum mi tla chu lêmnâk tla ah, thang lakah, âtkâi leh râwkkhonâk duhnâk tam tak ah an tlû tâwn. Chubang duhnâk tla nih chun siatnâk leh râwknâk ah chun mi tla a piltir tâwn.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.