JEREMIA 17:10 - Bawm Common Language Bible Version

¹⁰ Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 17:10 ပူးပေါင်းရင်းမြစ်များ

1 Lal 8:39

vân ah mi na in thawk hen ngâi piak na le, ngaihdam na le, ṭangpi na. Nang cho nih minung thinlung dawnnâk na theih. An thilti hâwi vima hen rêl piak na le,

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

2 CHRONICLES 6:30

Na vân in thawk hen ngâi le, ngaihdam piak na rawh. Nangmah cho nih minung thinlung ruat chu na theih.

JOB LASUIBU 34:11

Mi tla chu an thilti hâwi hen, lâwmman a pêk tâwn le, anmah ruam vima hen an tlûnah thil a ti.

SAM 44:22

Nangmah ruangah zeiliau zawng ah thah hen kan um, dawrâ thah ding mi hâwi hen ruat kan si.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

SAM 7:10

Pathian chu hawng ka vêngtu asi; a thu ngâitu chu a hum na.

SAM 7:9

Nang chu Pathian rep na si le, kan dawn mi leh kan duhnâk tla lakah lâi na rêl. Misual tla sualnâk chu bângtir le, mi ṭha tla chu lâwmman pêk na.

THUFING LASUIBU 12:14

Na lâwmman ting ding chu na thusim leh na thilti lakah asi, na thilti ziatê hen na tawng lai.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

JEREMIA 11:20

Churawhchun, thla ka cham le, “LALPA Zeizawng tikho, nang chu lâirêltu rep na si; minung thinlung dawn leh theihnâk tla chu na nik. Ka lawksawngnâk chu na kut ah kan ap, churuang chun hi minung tla lakah lehrûl na sam mi hawng ka ngâktir,” a ti.

JEREMIA 12:13

Ka mi tla nih fâng an tuh le, sikhawmsele belh an pumh le; tha fâk tak hen rian an ṭuan le, sikhawmsele zeikhawm an tawng lo. Ka thinthawknâk fâk ruangah an thlâi chîng tla a vei hep,” a ti.

JEREMIA 20:12

Sikhawmsele, Zeizawng tikho LALPA, rep tak hen mi chu na nik na, an thinlung leh an dawnnâk ah zei a um ti na theih. Churuangah ka harsatnâk zawzawng chu na sinah ka hawng siah asi. Nangmah nih ka mêlma lakah phû na lam mi chu hawng ka muhtir rawh.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 23:2

LALPA Israel Pathian nih a mi tla zauhkhenhtu ah lâirêltu a ruat na mi thu a sim mi chu hi hi asi: “Ka mi tla chu nan zauhkhenh na lo le; nan rekrâwitir na hen nan nar phin na. Tuah thilsual nan ti mi ruangah kan rêp na awt.

JEREMIA 32:19

Fing tak hen thilti ding na ruat le, thil rokual na ti; mikip nih thil an ti mi na muh, an thilti zia hâwi vima hen lâwmman na pêk na.

EZEKIEL 11:5

LALPA thlarau nih a hawng ka luah le, mi zapi sinah hi thuchah hi sim ding hen LALPA nih hawng ka simh rawh: “Israel mi tla, nan thusim leh nan thiltum chu ka theih asi.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 6:4

na zeilo pêk chu a thup hen a um khonâk ding hen; chuvachun, na Pa a thup hen muh tâwntu nih chun a nan rulh lai.

JOHAN 2:25

minung thu âukhawm simhfiang a herh lo, amah nih minung thinlung ah a um mi vial chu a theih ruangah.

THILTI 1:24

Chun, thla an cham le, “Nang Lalpa, minung zawzawng thinlung theihtu,

ROM 6:21

Tuah nan thil zahpi mi lakah hin, kha liau khan rah zei me nan tawng tâwn? Khabang thu dawnghnâk kha thihnâk asi tâwn asi.

ROM 8:27

Chun, Pathian duhzia hâwi vima hen mi thenhlimh tla chu thla a cham piak na tâwn ruangah, thinlung tla zauhtu nih chun Thlarau duhzia chu a theih tâwn asi.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.