JEREMIA 16:7 - Bawm Common Language Bible Version

⁷ Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

JEREMIA 16:7 ပူးပေါင်းရင်းမြစ်များ

JOB LASUIBU 42:11

Job unau, a farnu tla leh a lânah a hâwi tla nih an hawng veh le, a sinah puai an ei. An dâwtnâk leh a lânah LALPA nih a tlûnah lawksawngnâk a hawng tlungtir mi lakah thla an ngamh le, thu an sim. An ektê hen tangka leh ngûn pizung tla an pêk.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

JEREMIA 22:10

Juda mi tla, lalchem Josiah chu ṭappi lah ule, a thihnâk khawm ulh lah u. Sikhawmsele a fapa Joahaz an kalpi ving mi hawng kîr lo rawh hen, a suaknâk ram muh lo rawh ding mi rangah lungfâk tak hen ṭap u.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

HOSEA 9:4

Ramdang ah chun LALPA sinah uain tla an ap kho lai lo rawh le, a sinah bâwlnâk tla an ap kho lai lo rawh. Thih ni ah mi buh hâwi hen an ei mi chu a nâwm lai, an sungvâng rehtirnâk cho asi lai le, LALPA Biakin ah lam chun zeikhawm pêk ding mi zât asi lai lo.

DEUTERONOMY 26:14

Ka ulh liau khawm ah chu lakah mi zeikhawm ka ei lo; dân ah thianglo hen ka um khawm ah ka in ah chu lakah mi zeikhawm ka lâk lo; mi thi rangah thil ap ah chu lakah mi zeikhawm ka pêk lo. LALPA, na thu ka ngâi le; parâ lû ah pakhat thu ah na thupêk hâwi hen ka zûl ver.