JEREMIA 16:6 - Bawm Common Language Bible Version

⁶ A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

JEREMIA 16:6 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 24:2

Mikip bâwlpu tla leh mi zapi, sal leh hotu, châwktu leh zuartu, lângtirtu leh pûktirtu, minei leh mipâm bang hep hen an thi lai.

JEREMIA 13:13

Churawhchun, Kei, LALPA nih hi ram minung David thlâk a mi lalchem tla, bâwlpu tla, khuavâng tla, Jerusalem mi zawzawng tla an rî lânlo chu uain ka dinh na awt.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 41:5

minung sâwmriat Sekem, Siloh leh Samaria thawk hen an hawng tleng. An khamul an mêt le, an nipuan tla an thlêk le, anna ât. Fâng leh rimthâw tla Biakin ah ap ding an put.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

JEREMIA 48:37

An ektê hen an lû leh an khamul an mêt hep. An kut tla an ât le, mikip nih salâpuan anna aih.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

LEVITICUS 19:27

Na nâ chabeng leh na khamul na mêt ding asi lo.

LEVITICUS 19:28

Mithi zûn phurh hen na tak na rawi hen na ṭialh ding asi lo. Kei, LALPA kasi.

AMOS 6:11

LALPA nih thu a hawng pêk mi lakah chun, in lian leh in tê tla a râwk dep lai.

MATHAI 9:23

Chun, Jisu chu hotu in ah a lût le, theikhang tumtu tla leh mi zapi tlawk chur mi tla a va muh rawh chun, “Suak u, ngâksia chu a thi lo, a it mi asi dauh,” a ti.

DEUTERONOMY 14:1

“LALPA nan Pathian mi nan si le, mithi ruangah lungfâk tuk ah nan taksa ât hen nan khamul tla midang nih an ti hâwi hen mêt lah u.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 6:15

Chun, tual ah lal tla, lâirêltu tla, kawrsen hotu tla, minei tla, mi chak tla, sal leh sal lo tla chu pûk ah leh tlângah lungpi tangah tla anna thup.