JEREMIA 16:16 - Bawm Common Language Bible Version

¹⁶ LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

JEREMIA 16:16 ပူးပေါင်းရင်းမြစ်များ

GENESIS 10:9

LALPA ṭangpi hen sa kah kho mi rokual tak asi. Churuangah chun asi, mi tla nih, “Nimrod hâwi hen sa kah kho mi rokual tak si hen LALPA nih a nan siam seh!” an ti phah tâwn mi chu.

ISAI 2:21

LALPA chu tual ninh ding hen a hawng tik chun, a thinthawknâk leh a rokualnâk leh a thiltikhonâk lakah mi chu ruangsuak ding hen tlângah mi pûk ah leh khur lakah anna thup lai.

ISAI 7:19

A tumhupi hen tivakuam leh lungpûk tla an khat ver lai le, ling leh bua nâwng tla khawm an khat phak lai.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 4:29

Rang tlûnah â chuan mi leh chanhtiang kahtu tla hâu ah mikip an tek hep lai. A zeimaw mi chu thing mun ah an tek lai le, midang tla chu lungpi lakah an kâi lai. Khuapi tla chu a karo hen mâk asi lai le, a sungah âukhawm an um nawlh lai lo rawh.

JEREMIA 49:5

Mun kip thawk hen na tlûnah ningṭihkâi ka hawng tlungtir awt. Nan tek hep lai. Mikip nung ding duh hen nan tek lai le, nan kawrsen tla pumh nawlhtu ding âukhawm an um lai lo.

JEREMIA 6:9

LALPA Zeizawng tikho nih ka sinah, “Israel chu grep zûn lakah mi kawih hep mi hâwi hen thiang ko hen vuak asi lai. Churuangah tik a um liauah mikip nan suak ding asi,” a ti.

LUNGFÂKNÂK 4:18

Kan mêlma tla nih hawng kan vêng rêt le, khua lâi khawm ah kanna sawk kho lo. Kan ni tla khawm a lan rawh; a dawnghnâk a tlung rawh.

LUNGFÂKNÂK 4:19

Mupi vân thawk hen â thlûr mi ngâk chak dauh hen hawng kan ṭhâwl. Tlângah hawng kan ṭûmpi le; ramkaro ah chê tak hen hawng kan kalpi.

HOSEA 10:10

Hi misual tla hi ka do lai le, ka rêp na awt. Phun tla chu an lakah thu anna rual lai le, an sual tam tak ruangah rêp hen an um lai.

AMOS 4:2

LALPA Zahkâi thenhlimh nih thu a tiamh le, “Siau hen an nûk na ding ni chu a hawng tlung awt; mikip siau nih nga a awh mi hâwi asi lai.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

ZEPHANIAH 1:12

“Chu tikah chun khâwnvâr ka lâk lai le, Jerusalem ka hâwl awt. Mah khim lâwng dawn hen â zûm mi tla, an thinlung hen ‘Zei tin kâng hen khawm LALPA nih thil a ti lai lo, ti tu tla chu ka rêp na awt.

1 SAMUEL 24:11

Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 26:20

LALPA ram ah mi tek hen ram dang ah thah hen hawng ka umtir rîlmâl lah seh. Kei, uirik tluk cho mi thah ding hen Israel lalchem chu zei rangah a hawng zia? Mâng ah mi vâ an râl hâwi hen zei rangah hawng ka râl?” a ti.