JEREMIA 15:9 - Bawm Common Language Bible Version

⁹ A fa pasarih nih an veitâk mi nu chu a uai tlek le, a thâw men a suah kho lo. A rangah sûn chu zân ah â chang rawh; ningzak saih hen a um le, a thinlung a fâk. Nan dam rih mi tla khawm nan mêlma tla kan thahtir na awt. Kei, LALPA nih ka sim asi,” a ti.

JEREMIA 15:9 ပူးပေါင်းရင်းမြစ်များ

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

JEREMIA 19:7

Hi mun ah hin Juda mi tla leh Jerusalem thiltum zawzawng chu ka tlawlhtir na lai. An mêlma nih neh hen ka siam na lai le, râltuknâk ah an thah na lai. An ruak tla chu va leh ramsa tla râwl ah ka pêk lai.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 44:27

Nanna dingchang lo ding mi leh siat leh râwk hen nan um ding mi ka nan zauh na awt ko. Pakhat khawm âk lo hen râltuknâk ah mawh râi lakah mawh nan thi hep lai.

JEREMIA 50:12

sikhawmsele, na khuapi rokual chu ningzak saih leh nâutir hen a um lai. Babulon mi tla chu phun zawzawng lakah herhnâk leikângah a mêchem mi asi lai; a châr hen ramkaro tî umlonâk asi lai.

JEREMIA 6:4

“Jerusalem do ding hen a timhtuah ule, a tîm zet u! Sûn chir ah kan do lai! ” an ti. Sikhawmsele, “A tlâi tuktarâi rawh, nî a tlâ dêng rawh, zânleibâi thlaliah khawm nih a liah dadauh rawh.

JEREMIA 7:19

Sikhawmsele, Kei hi, annih nih lung an hawng ka fâktir ding mi ma kasi? Silo, anmah nganfâk anna pêk hen ningzak anna saih mi asi.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 4:10

Ka mi tla lakah siatnâk a hawng tlung mi nih lâunâk a tlungtir; dâwttu nu tla nih an fa tla chu ei ding ah an suang na.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

EZEKIEL 5:13

“Ka dî a riam lânlo chu, ka thinthawknâk leh ka thinrunnâk na tuar lai. Hi bang zawzawng a hawng tlung tikah nangmah zumh na kâilonâk ruangah ka thinthawknâk ka suah mi thu kei, LALPA nih na sinah ka sim mi asi ti na theih lai.

1 SAMUEL 2:5

Mi khim tak hen um mi tla chu buh hâwl hen lawh an kal. Sikhawmsele a sungvâng mi chu a vâng lai lo rawh. Fa nei lo nu nih fapa pasarih a ring. Fa tam tak neitu chu pakhat khawm an um lo rawh.