JEREMIA 15:8 - Bawm Common Language Bible Version

⁸ Tipi kapah mi risep ngâk hen nan ram ah mi numei tla an tam dauh rawh. Nan tlangvâl tla chu an ṭhat liauah ka thah na le, an nu tla ka tuartir na. Lungdawnghnâk leh ningṭihnâk hen ka vuak chawlh na.

JEREMIA 15:8 ပူးပေါင်းရင်းမြစ်များ

ISAI 3:25

Asi, khuapi ah mi tla, a chak chem mi tla khawm râltuknâk ah an thi lai.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 4:1

Chu ni a hawng tlung tik chun nunau pasarih nih mipa pakhat an tleih lai le, a sinah, “Mah a châwm kho hen nipuan khawm kanna vurh kho le, sikhawmsele, zângfahtê hen kan pasal kan ti lai le, churawhchun pasal nei lo hen ningzakkâi tak hen kan um lai lo rawh,” an ti.

JEREMIA 16:3

Hinah suak mi fa tla leh an nu leh an pa tla tlûnah zei a hawng tlung awt ka nan simh lai.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 22:7

Râwktu ding hen mi tla ka fial na. An reitlung tla an hawng put lai le, sidar thing phun dawh tak tla chu an hâu lai le, mei ah an paih lai.

JEREMIA 4:16

Phun tla leh Jerusalem mi tla chu ram lât tak thawk hen mêlma tla an hawng kal ti simhkan ding hen an hawng. Chubang mêlma tla nih Juda khuapi tla chu an âu nawh na lai le,

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

LUNGFÂKNÂK 5:3

Kan pa tla chu mêlma tla nih an thah na le, tu chun kan nu tla chu numei an si rawh.

EZEKIEL 22:25

Ruitu tla chu chakeibaknei nih ramsa an seh le, an rûm mi hâwi an si. Mi tla an thah na le, an tangka leh an thil-le-rî an tawng mi tla chu an lâk piak hep na le, an mi thah ruangah numei tam tak an um.

HOSEA 4:5

Sûn leh zân hen mi nan râwk le, khuavâng tla khawm nannih ngâk hen an ṭha khun lêm lo. Israel, nan nu ka veih awt.

LUK 21:35

Chu hâwitê hen laikulh pumpi ah um mi zawzawng tlûnah chun a hawng tlung awt chiau asi.