JEREMIA 15:6 - Bawm Common Language Bible Version

⁶ Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 15:6 ပူးပေါင်းရင်းမြစ်များ

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 28:13

Churuangah asi, LALPA nih a lasui ṭial vima leh a tlar tlar leh sîn ding mi ruat vima hen an sîntir na awt mi chu. Churawhchun, nan kê kâr kip ah nan tlû lai. Liamh hen nan um lai le, thang nih an awh na lai le, rêngin ah an put na lai.

ISAI 31:3

Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 13:14

Churawhchun, uain dûr hâwi hen anmah tla a upa a ngâksia mi bang cho hen kuai dip hen anmah leh anmah ka khâwng na lai. Ka thah na ding mi chu pawi tinâk, lungkhamnâk leh khuaruatnâk nih a hawng ka kham lai lo,” a ti.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 44:22

Tusûn ni takah hin nan ram chu râwk hen a um le, a sungah pakhat khawm an um lo rawh. LALPA nih nan sualnâk leh nan thilsual ti a ngâi châwklo rawh ruangah zauhnâk ah ṭihnungkâi rê hen a um le, a min ah khawm mi nih siatbarh mi ti asi.

JEREMIA 6:11

An tlûnah na thinthawknâk nih kei lung khawm a fâktir bâk, LALPA, ka tuar kho lo rawh,” ka ti. Churawhchun, LALPA nih ka sinah, “Ka thinthawknâk chu khua dungah ngâksia tla tlûnah leh tlangvâl anna pûm mi tla tlûnah thlêt. Pasal leh nupi tla chu lâk ving hen an um lai le, a tar khen mi khawm zuah an si lai lo.

JEREMIA 6:12

An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

JEREMIA 6:19

Tual, ngâi rawh! Hi minung tla nih ka sîntirnâk an duh lo hen ka thu an ngâilo ruangah, an ruat mi zawzawng ruangah rêpnâk ding hen siatnâk an tlûnah ka tlungtir awt.

JEREMIA 7:16

LALPA nih, “Jeremia, hi minung tla rangah hin thlacham lah. Anmah ruangah ṭap lah, thla khawm cham lah; ka sinah khawm deih piak lah na, ka nan ngâi piak awtlo ruangah.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 8:5

Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

JEREMIA 8:9

Nan mifing tla chu ningzak saih hen an um le, anna nawk le, anna awh pang. Ka thu an duh lo le; tuah zei finghnâk me anna ting?

EZEKIEL 14:9

“Khuavâng chu sângnâk diklo hen perpet hen a um chun, kei LALPA nih ka perpet ruangah mi asi. Israel lakah mi ka lawnh awt.

EZEKIEL 25:7

Chu hâwi hen nan um ruangah phundang tla sinah ka nan pêk na lai le, annih nih an râwk na hen an rûn na lai. Ka nan râwk dep na lai le, phun ti tlâklo leh mah ram nei lo mi nan si lai rawh. Chu tikah kei, LALPA kasi ti nan theih lai,” a ti.

EZEKIEL 35:3

Kei, LALPA Zahkâi nih ka sim mi thu hi zapi tla simh na: Edom tlâng sâng tla, na mêlma chu keimah hi kasi! Siat leh râwk dep hen ka nan siam awt.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

HOSEA 4:16

Israel mi tla chu sanatung hâwi hen an lung a khung. Zeitin ram ningnonâk ah dawrâ hâwi hen ka châwm kho na lai?

ZEPHANIAH 1:4

“Jerusalem mi leh Juda mi zawzawng ka rêp na awt. Chunah Baal sawnhtu tla thu chu ka veih lai le, lunglotu tla sawnhnâk ah bâwlpu mang mi tla chu âukhawm nih an theih lai lo rawh.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.