JEREMIA 15:3 - Bawm Common Language Bible Version

³ Kei, LALPA nih, thil ṭihnungkâi pali an sinah hawng tlung ding hen ka ruat rawh: tuknâk ah an thi lai le, ui nih an ruak a thiar lai le; va tla nih an ei na lai, an eibang chu ramsa tla nih an ei hep lai.

JEREMIA 15:3 ပူးပေါင်းရင်းမြစ်များ

SAM 68:23

churawhchun an thî lakah na nîm na lai le, na ui tla nih duh tâwk hen an liak lai,” a ti.

ISAI 18:6

Kawrsen ruak tla chu va leh ramsa tla rangah mâk hen a um lai. ṭhâlpini ah va tla nih râwl rangah an tlanh lai le, busik ah ramsa tla nih an tlanh na lai,” a ti.

JEREMIA 12:9

Ka mi thîm tla chu munkip ah mû nih va tla a râl na mi hâwi an si. Puai eipi na ding hen ramsa tla kawh na u!

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 7:33

Ruak tla chu va leh ramsa tla râwl asi lai le, âukhawm nih an âwva na lai lo.

LUNGFÂKNÂK 3:11

Lampi ah hawng ka ṭhâwl le, hawng ka sâm dip le, hawng ka mâk thlo.

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 33:27

“Kei, LALPA Zahkâi Pathian nung kasi sung chu khuapi a râwk mi lakah um mi vial chu thah hen an um lai ti hen ka simhkan na mi thu chu simh na. Ram lakah um mi tla chu ramsa tla nih an ei na lai.

LEVITICUS 26:16

ka nan rêp na awt. Nan tlûnah vânduainâk râi dam kho lo leh zâwtnâk, nan mit châwtirtu ka hawng tlungtir lai le, nan nungnâk chu a vei lai. Thlâi nan chîng lai le, zeikhawm a ṭha lai lo, nan mêlma tla nih an neh na lai le, nan chîng mi tla khawm an ei piak hep na lai.

LEVITICUS 26:22

Ram sa ṭihnungkâi nan sinah ka hawng fial lai, nan fa tla leh nan ran tla a seh lai le, nan lampi tla khawm a king thlo lai.

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

DEUTERONOMY 28:26

Nan thi tikah ram sa leh vâ nih nan ruak an ei lai le, âukhawm a dâwitu an um lai lo.

DEUTERONOMY 32:24

Sungvâng leh damlo hen an thi lai le, râi ṭihnungkâi hen an thi lai. Anmah sehtu ding hen ram sa tla ka fial lai le, anmah chuktu ding hen rûl tûrnei ka fial lai.

THUPHUANG 6:8

Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.