JEREMIA 15:2 - Bawm Common Language Bible Version

² Zeiah kan kal lai ti hen a nan deih chun, keimah nih ka sim rawh mi kha simh na: A zeimaw mi chu râi lakah thi ding mi an um, chu chu an kalnâk ding mi asi. A zeimaw mi chu râltuknâk ah thi ding mi an um, chu chu an kalnâk ding mi asi! A zeimaw mi chu sungvâng hen thi ding mi an um, chu chu an kalnâk ding mi asi! A zeimaw mi chu sal ah put ding mi an um, chu chu an kalnâk ding mi asi!

JEREMIA 15:2 ပူးပေါင်းရင်းမြစ်များ

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 24:18

Ṭihnungkâi lakah mi suak tumtu chu khur lakah a tlâ lai le, khur thawk hen suak mi chu thang nih a awh na lai. Ruah tukpi vân thawk hen tî tla hâwi hen a hawng sûr lai le, tual ram â nin lai.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 19:7

Hi mun ah hin Juda mi tla leh Jerusalem thiltum zawzawng chu ka tlawlhtir na lai. An mêlma nih neh hen ka siam na lai le, râltuknâk ah an thah na lai. An ruak tla chu va leh ramsa tla râwl ah ka pêk lai.

JEREMIA 43:11

Nebukadnezar a hawng lai le, Aigupta chu a neh lai. Râi lakah thi ding mi chu râi lakah an thi lai le, sal ah put ding mi chu sal ah put hen an um lai, râltuknâk ah thah ding mi chu râltuknâk ah thah hen an um lai.

EZEKIEL 12:11

Thil na ti mi tla chu hi nûnah thil hawng tlung ding mi lakah ramdang ah tek hen sal an siding mi zauhtirnâk asi ti simh na.

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 33:27

“Kei, LALPA Zahkâi Pathian nung kasi sung chu khuapi a râwk mi lakah um mi vial chu thah hen an um lai ti hen ka simhkan na mi thu chu simh na. Ram lakah um mi tla chu ramsa tla nih an ei na lai.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

EZEKIEL 5:2

An hual mi â lîm tikah khuapi sungah anrang khat duah. A dang anrang khat chu khuapi lênglei na suak liauah na nâm hen tuk dip. Chun anrang khat a um mi chu thli lakah vawrh phin le, ka nâmsâu hen ka ṭhâwl lai.

DANIAL 9:12

Kanmah leh kan lâirêltu tla sinah ti ding hen na sim mi chu na ti tâwn. Mosi dân lakah rêpnâk zawzawng rîn hen a um mi tla chu khua dang tla ngâk hen Jerusalem ah mi na rêpnâk a fâk dauh, sikhawmsele

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

ZEKARIA 11:9

Churawhchun, ranrual tla sinah, “Nannih vêngtu kasi awtlo rawh, a thi ding mi chu thi ko u, a vei ding mi chu vei ko u, a thibang tla chu anmah leh anmah a veih na seh,” a ti.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.