JEREMIA 15:1 - Bawm Common Language Bible Version

¹ Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 15:1 ပူးပေါင်းရင်းမြစ်များ

GENESIS 19:27

A thâituan zîngtê ah Abraham chu LALPA mâika ah a dîrnâk ah mawhsareh hen a va kal.

2 Lal 17:20

LALPA nih Israel tla chu a nawng na rawh le, a mitmuh ah mi nar phin an si tiang hen mêlma sual tak sinah anmah rêp ding hen a pêk na.

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

SAM 99:6

Mosi leh Aron chu a bâwlpu an si, Samuel chu amah sinah thlachamtu pakhat asi; LALPA an auh le, anih nih a sâng na.

THUFING LASUIBU 14:35

Rianṭuan ṭha nih chun lal tla a lawmhtir le, sikhawmsele ṭuan lotu tla chu an rêp na.

JEREMIA 10:18

LALPA nih hi ram thawk hen an lawnh ving awt; pakhat khawm âk lo ding hen nan vei ver tiang hen siatnâk a tlungtir awt. LALPA nih a sim asi.

JEREMIA 11:14

Jeremia, hi bang minung tla ruangah hin ka sinah thlacham hen hawng ka ngiar lah. An lawksawng ni ah ṭangpi hawng ka ngiar na khawmsele ka ngâi piak na awtlo,” a ti.

JEREMIA 14:11

LALPA nih ka sinah, “Hi bang minung tla ṭangpi ding hen hawng ka ngiar lah.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 15:19

Hi thu lakah LALPA nih a leh le, “Na hawng kîr mi asi chun, ka nan lâk nawlh lai le, ka to-aw na si nawlh lai. Thu âtkâi sim ngâk hen thuchah mang tlâk na phuang chun, ka khuavâng na si nawlh lai. Mi tla chu na sinah an hawng kîr nawlh lai le, an sinah nang va kal a herh lai lo.

JEREMIA 16:13

Churuang chun, hi ram a mi hi kan suah ving na lai le, nanmah leh an thlâk natu theih dah lonâk ram ah kan siah na awt. Chunah chun pathian dang tla rian a sûn a zân hen nan ṭuan lai le, nan tlûnah kei nih khuaruatnâk ka langh awtlo rawh,’ ” a ti ti hen simh na.

JEREMIA 16:5

“Mithi ulhnâk in khawm ah lût lah. Âu ruang khawm ah lungfâk lah. Ka mi tla chu thlangamhnâk hen mal ka sâwm na lai lo rawh, ka dâwtnâk leh khua ka ruatnâk khawm an lakah ka langh awtlo rawh.

JEREMIA 18:20

Thil ṭha hi thilsual hen leh ding ma asi? Sikhawmsele, ka tlâknâk ding hen khur an chawh. Na thinthawk hen an tlûnah thil na ti lonâk ding hen, na sinah hawng hen anmah ruangah thu ka sim mi tla theihkumza rawh.

JEREMIA 22:28

Kei nih, “Lalchem Jehoiakin chu bêl kuai lawnh rawh mi âunih khawm duh lo mi hâwi asi rawh na maw? Zei rangah anih chu a fa tla hen an theih dah lonâk ram ah sal ah put ving hen an um le?” ka ti.

JEREMIA 23:39

ka thur ving na lai le, anmah leh an thlâktu tla sinah ka pêk na mi khuapi chu ka sinah mi lât takah ka lawnh ving awt.

JEREMIA 35:19

Churuang chun, Kei, LALPA Zeizawng tikho, Israel Pathian nih Jonadab, Rekab fapa thlâk tla lakah mi nih chun ka rianṭuantu ding ah mipa fa nei kumza ding hen thu ka tiamh,” a ti.

JEREMIA 52:3

LALPA chu Jerusalem mi leh Juda tlûnah thungâi a thin a thawk, a mit muhnâk ah mi a nar ving na. Zedekiah chu Babulon lalchem Nebukadnezar lakah a hel le,

JEREMIA 9:19

Zion ah mi âu hâu, “Kanna râwk dep rawh! Ningzak saih hen kan um rawh! Kan ram mâk ding mi kan si rawh; kan in tla khawm a râwk hep rawh,” ti mi chu ngâi u.

EZEKIEL 14:14

Chubang mi pathum Noa, Danel leh Job chu chunah um na khawmsele an ṭhatnâk ruangah an nungnâk cho hum asi lai,” a ti. LALPA Zahkâi nih a sim asi.

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

HOSEA 9:15

LALPA nih, “An thilsual ti zawzawng chu Gilgal ah anna dawmh, chu mun thawk hen anmah ka hua na rawh. Thilsual an ti mi ruangah ka ram sungah mi ka suah na awt. An ruitu tla ka lakah an hel le, ka dâwt na awtlo rawh.

ZEKARIA 3:3

Josua chu chunah chun, puan bâl tak aih hen a dîr ko.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

LÂIRÊL 5:9

Ka thinlung chu Israel thupêktu tla, mah duh thu hen lâwm tak hen  pêk mi tla sinah a um. LALPA chu sawr u!

1 SAMUEL 12:19

“Pu, zângfahtê hen kan thi lonâk ding hen LALPA na Pathian sinah hawng kan deih piak. Tuah kan sualnâk zawzawng dang chu siah rih hen lalchem kan deih mi thu ah hin kan palh rawh ti kan theihfiang,” an ti.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 7:9

Samuel nih dawrâ fa chu pum duah bâwlnâk LALPA sinah a ap. Churawhchun, LALPA sinah Israel tla ṭangpi na ding hen a deih piak na le, LALPA nih a ngiarnâk chu a sâng.