JEREMIA 14:9 - Bawm Common Language Bible Version

⁹ Zei rangah mi chê tinâk hen a khat mi hâwi leh kawrsen mi ṭangpi ding hen thiltikhonâk nei lo mi hâwi hen na um? LALPA, ngelchel hen kan sinah na um asi! Na mi tla kan si, hawng kan kaltâk lah,’ ” a ti.

JEREMIA 14:9 ပူးပေါင်းရင်းမြစ်များ

2 CHRONICLES 7:14

ka sinah thla an cham hen an thilsual ti bâng hen an rim chun vân thawk hen ka ngâi lai le, an sual tla ka ngaihdam lai le, an ram chu ṭha hen ka siam nawlh lai.

SAM 10:1

LALPA, zei rangah lât takah na um? Zei rangah kan lawksawng liauah na thup?

SAM 27:9

ka hawng lai, ka lakah mi a thup lah!” ti hen, ka sâng. Ka lakah na thinrun lah; na to-aw hi hertâk lah. Nang hawng ka ṭangpitu na si; hawng ka mâk lah le, hawng ka kaltâk lah, Ka Pathian, ka Ruangsuahtu.

SAM 46:5

Chu khuapi ah chun Pathian a um le, zeiliau khawm â râwk dah lai loh; khuadei bâiah a ṭangpitu a hawng tlung lai.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 43:7

Keimah mi tak an si le, hawng ka rokualtirtu rangah ka siam na mi an si,” a ti.

ISAI 51:9

LALPA, meng le, hawng kan ṭangpi! Na thiltikhonâk mang le, ruang hawng kan suah rawh; a lânah na ti mi hâwi hen mang rawh. Tipi mi thilnung lian Rahab sâm diptu na si.

ISAI 59:1

LALPA chu nanmah an hum na ding hen chak lo tukah mawh, ṭangpi ding hen nan kawh mi lakah a nâ a sêt tuktarâi ah ruat lah u.

ISAI 63:19

Kan lâirêltu na si dahlo mi hâwi hen, na mi tla kan si dahlo mi hâwi hen na kan ti.

JEREMIA 15:16

Ka sinah thu na sim mi zawzawng chu ka ngâi ver. LALPA Zeizawng tikho, na tâ kasi, churuangah na thu nih chun ka thinlung ah lâwmnâk leh lâwptlonâk a khattir.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

LUNGFÂKNÂK 5:20

Zei rangah chu tluk rak hen sâwt hen na kan kaltâk? Na kan theihkumza awtlo rawh na maw?

EZEKIEL 48:35

Chu khuapi kulh a ektê a sâu lei sîr li fawnh hen feet 30,240 asi. Chu khuapi min chu tu thawk hen “LALPA Hinah A um!” ti asi kumza ding asi.

HABAKUK 1:2

LALPA, siatnâk lakah ruang hawng kan suah ding leh kan thu hawng kan ngâi piak ding hen zei tiang riamruam me ṭangpi kan deih awt?

ZEKARIA 2:5

LALPA nih, chu khuapi chu vêng ding hen amah ngelchel chu kulh dak hen mei kulh vâm hâwi hen humtu si hen, a rokualnâk zawzawng hen ka um awt ti hen a tiamh,” a ti.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

NUMBER 11:23

LALPA nih a sâng le, “Ka thiltikhonâk hi tikho ri leh ti kho lo ri a um mazei? Ka sim mi hi a tlung lai ma, tlung lai lo na muh tuan lai,” a ti.

THILTI 15:17

Midang, Phundang tla zawzawng ka min hawng ka bâwmtu tla nih chun Lalpa an hâwlnâk ding hen, chu basâ chu ka dirh nawlh lai ti hen.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

DEUTERONOMY 23:14

Nan riakmun chu thiang tak hen kilkâwi ule, LALPA nan Pathian chu nan riakmun ah nanmah an zauhkhenh na ding hen leh nan mêlma tla an nehtir na ding hen a um ruangah. LALPA nih dunglei an sît na ding hen thil diklo zeikhawm ti lah u.

DEUTERONOMY 28:10

Churawhchun, tual tlûnah minung zawzawng tla nih LALPA nih amah mi tak siding hen a nan thîm na mi nan si ti an muh lai le, an ṭih na lai rawh.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.