JEREMIA 14:3 - Bawm Common Language Bible Version

³ Minei tla nih an to-aw tla tî than ding hen an fial na le; tipang leiah an va kal le, sikhawmsele tî an tawng lo; an bêl karo hen an kîr nawlh. Lungdawng leh thinlung nawk hen an mêl an thuh.

JEREMIA 14:3 ပူးပေါင်းရင်းမြစ်များ

2 SAMUEL 15:30

David chu kê karo leh ngaihsia zauhtirnâk lû khuh bû leh ṭap bû hen Oliv Tlâng chu a kâi. A zûltu tla khawm lukhuh hep leh ṭap bû hen an zûl.

2 SAMUEL 19:4

Lalchem chu a mêl a khuh le, fâk tak hen a ṭap. “Aw ka fapa! Ka fapa Absalom! ka fapa,” ti hen.

1 Lal 17:7

Zeimaw tiang nûnah chun tivatê chu ruah a sûr lo ruangah a kang rawh.

2 Lal 18:31

Hezekiah thu chu ngâi rîlmâl lah u, Asiria lal lianchem nih khuapi mi kha suak hen a sinah a pêk ding hen thu an pêk na. Nan grep tla, nan theipi tla ei ding hen nan tikhurchawh lakah mi tî din ding tla,

ESTHER 6:12

Mordekai chu lal in tualmâi leiah a kîr liau chun, Haman chu a mêl ningzakkâi tak put bû hen in leiah a kîr rawh.

JOB LASUIBU 6:20

sikhawmsele, tikangva kiangah an lung a dawng thlo.

SAM 109:29

Ka mêlma tla chu ningzak saih hen um na seh; an ningzaknâk chu thuam hâwi hen a aih na seh.

SAM 40:14

Thah ding hawng ka awttu tla chu neh leh nawk hen um na seh. Ka lawksawngnâk ah lâwptlotu tla hi kîr leh ningzak tak hen um na seh.

JEREMIA 14:4

Ruah a um lo ruangah tual a châr hep, phâisen nâwntu tla chu an thinlung a fâk tuktarâi le, an mêl an thuh.

JEREMIA 15:18

Zei rangah ka tuar kumza nget rih? Zei rangah ka mâ a dam dahlo? Zei rangah an damtir dahlo? Ṭhalpini ah tiva a kang mi hâwi hen lungdawngtir ding ma na ka awt?” a ti.

JEREMIA 2:37

Aigupta chu na hawitâk lai le, na ningzak tukah na buk thlo lai. Kei, LALPA nih na mi zumh tla chu ka hua na mi an si; an lakah thil zeikhawm ṭhatvaknâk na tawng lai lo,” a ti.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JEREMIA 3:3

Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

LUNGFÂKNÂK 4:4

An fa le tla chu sungvâng leh tîhâl hen an thihtir na le; ngâksia tla nih buh an deih mi chu âukhawm nih an pêk na lai lo.

HOSEA 2:3

Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

JOEL 1:20

Tiva tla a kang ver rawh ruangah ramsa tla tiang nih a nan auh.

AMOS 4:7

Nan thlâi chîng tla nih ruah tî an herh thlo liauah ruah sûr ding ka khap. Khuapi pakhat ah ka sûrtir khawmsele khuapi dangah chun ka sûrtir lo. Phâisen pakhat ah ruah ka sûrtir le, sikhawmsele phâisen dang tla chu sûrlo hen a hul hiam.

AMOS 4:8

Tîhâl ruangah dî hen, khuapi ah um mi tla zeimaw mi chu khuapi dangah tî tawng ding lungum hen an kal le, sikhawmsele duh tâwk din ding a um lo. Chu khawm ah ka sinah nan hawng kîr lo nget rih.

ZEKARIA 14:17

Zei phun tal LALPA Zeizawng tikho sawnh ding êltu chu an ram ah ruah a sûr lai lo.