JEREMIA 14:2 - Bawm Common Language Bible Version

² “Juda chu ngaihsiatnâk ah a um le; a khuapi tla khawm thi ding mi hâwi asi. A mi tla khawm ngaihsia hen tual ah an rîl phut. Jerusalem chu ṭangpi hauh hen a âu.

JEREMIA 14:2 ပူးပေါင်းရင်းမြစ်များ

JOB LASUIBU 34:28

Pathian auh ding hen mipâm tla an zângnawr le, ṭangpi an deih mi chu a ngâi.

SAM 144:14

Kan ran tla chu a tlâu leh a vei mi um lo hen cherkhet hen pung seh. Kan zâwllâi ah hamh ruangah ṭapnâk rêng um lah seh.

EXODUS 2:24

An rûm leh âi hâu theihtu Pathian nih chun Abraham, Isak leh Jakob sinah thu a tiamh mi chu a theihkumza.

ISAI 15:5

Moab ruangah ka thinlung a fâk a! Mi tla chu Zoar khuapi ah leh Eklath Selisiah ah an tek. A zeimaw mi chu ṭap bû hen Luhith lam leiah an kal; a zeimaw mi chu lungzûr bû hen Horonaim leiah an tek.

ISAI 24:11

Uain a um lo rawh ruangah mi tla chu khua dungah an âu. Lâwptlonâk tla a um lo thlo rawh le; ram lakah mi tla a vei rawh.

ISAI 24:4

Tual chu a hul le, a uai; laikulh pumpi khawm a dî le; tual leh vân khawm a kuai vevê.

ISAI 24:7

Grep zûn tla chu a uai le, uain khawm a tâwm rawh. Mikip lâwm tak hen an um rawh mi tla tu chun an ngaih a sia rawh.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 33:9

Ram chu thlawrhthlâu leh mâk hen a um. Lebanon mi tumun tla chu a uai le, Saron vakuam ningno tla chu ramkaro hâwi asi rawh, Basan leh Karmel Tlângah mi thing nah tla chu a tlawng.

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 12:11

Ramkaro ah an tuah le; ka mâika ah lâwng tlo hen a um rawh. Ram pumpi chu a karo hen a um le, âukhawm nih a zauhkhenh lo.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 18:22

Theihthiamnâk umlo thlo hen, an in rawktu ding mi zapi fial khup na le; lâu hen ṭaptir na. Ka tlâknâk ding hen khur an chawh le, hawng ka awh ding hen thang an tunh.

JEREMIA 4:28

Tual chu a lungfâk lai le, vân a mûi lai. LALPA nih chun a sim rawh le, a thinlung a lêt lai lo. Thu a thlûk rawh mi chu a lêt nawlh lai lo rawh.

JEREMIA 46:12

Phun tla nih na mualphonâk an theih hen; mikip nih na ṭap hâu an theih rawh. Kawrsen pakhat nih pakhat rangah a nam le, an panih hen tual ah an tlû vevê.

JEREMIA 8:21

Ka mi le tla râwk hen an um ruangah ka thinlung khawm â râwk rawh; ka lung a fâk le, ka thinlung a dawng thlo rawh.

LUNGFÂKNÂK 2:8

LALPA nih Zion kulh chu râwk ding a tum rerêng; Râwk dep ding hen a tahtimh zet mi rawh. A kulh leh a insâng tla khawm tu chun râwk dep hen a um rawh.

LUNGFÂKNÂK 2:9

A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

LUNGFÂKNÂK 5:10

Kan sung a vâng tuk le, kan zâw phah rê, kan vun tla chu lungthukâ hawi hen a lîn rê.

HOSEA 4:3

Churuangah ram chu a châr lai le, a tlûnah um mi thil zawzawng a thi lai. Ran zawzawng leh va tla, nga tiang an thi lai,” a ti.

JOEL 1:10

Phâisen khawm a karo hen a um le; fâng tla â râwk hen, grep tla a châr ver ruangah tual khawm a lung a fâk, chun oliv thing tla khawm a châr ver.

JOEL 1:11

Nannih phâisen tuahtu tla, ngaihsia tak hen um u. Nannih grep dûm zauhtu tla, wheat leh barley tla, thlâi zawzawng â râwk ver ruangah ṭap u.

JOEL 1:14

Pumhpi kawh ule, buhngei ding hen thu suah u. Juda mi tla leh an rui natu zawzawng LALPA nan Pathian Biakin ah pumh na ule, a sinah ṭap u.

JOEL 2:6

An kal rawh chun mikip an lâu le, an mêl a dâng ver.

HAGAI LASUIBU 1:11

Keimah nih ram lakah mi tlâng tla ah, fâng phâisen tla ah, grep dûm tla ah, oliv mun tla ah, thlâi tual ah suahnâk mun kip ah minung leh ramsa tlûnah, thil chîng ding nan tum mi tlûnah ni khua khêunâk ka tlungtir mi asi,” a ti.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

1 SAMUEL 5:12

A thi lo mi tla khawm an ngawr hep le, zapi tla chu an pathian ṭangpi ding hen an auh.

1 SAMUEL 9:16

“Thâizîng ah tutik ding ah Benjamin phun lakah mi minung pakhat ka hawng fial awt, ka mi Israel tla lâirêltu ding ah sariak thuh le, amah nih Philistia mi tla lakah a hum na lai. Ka mi le nih an tuar fâk zia khawm ka muh, ṭangpi ding an hawng ka auh mi khawm ka theih,” a ti.