JEREMIA 13:14 - Bawm Common Language Bible Version

¹⁴ Churawhchun, uain dûr hâwi hen anmah tla a upa a ngâksia mi bang cho hen kuai dip hen anmah leh anmah ka khâwng na lai. Ka thah na ding mi chu pawi tinâk, lungkhamnâk leh khuaruatnâk nih a hawng ka kham lai lo,” a ti.

JEREMIA 13:14 ပူးပေါင်းရင်းမြစ်များ

2 CHRONICLES 20:23

Moab leh Amon mi tla nih Edom kawrsen tla an do na le, an veih dep na, anmah leh anmah chu ṭihnungkâi rê hen anna do.

JOB LASUIBU 27:22

suak ding an tum liauah lungkhamnâk umlo thlo hen a ranh na lai.

SAM 2:9

Thîr ṭhianṭhunh hen na mântir na lai le, tualbêl hâwi hen na nektir na lai.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

JEREMIA 15:5

LALPA nih, “Jerusalem mi tla, âunih pawi a nan ti awt, âu na lakah a ngaihsia awt? Âunih nang rangah na umdân deih ding hen an ngâk châwk awt?

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 16:5

“Mithi ulhnâk in khawm ah lût lah. Âu ruang khawm ah lungfâk lah. Ka mi tla chu thlangamhnâk hen mal ka sâwm na lai lo rawh, ka dâwtnâk leh khua ka ruatnâk khawm an lakah ka langh awtlo rawh.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 25:16

An din tik chun, râltuknâk an lakah ka tlungtir awt ruangah, an thinlung a â lai le, an hâwr lai,” a ti.

JEREMIA 47:3

Rang kal hâu tla, kari kal hâu tla, kari kê awnh hâu tla an theih lai. Pa tla chu an fa tla leiah anna her lai lo; an kut tla an thlâi thlo lai.

JEREMIA 48:12

“Churuangah tuah, Moab chu uain hâwi hen a bunghtu ding hen mi ka fial ding mi tik chu a tlung rawh. Uain dûr chu a karo hen an siah lai le, an khuai dip lai.

JEREMIA 6:21

Churuangah hi minung tla hi ka suihtir hen ka bahtir na awt. Pa tla leh fapa tla an thi lai le, chu hâwi hen hâwi tla leh zâwlbâwm tla khawm an thi lai,” a ti.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

EZEKIEL 24:14

Kei, LALPA Zahkâi nih ka sim asi. Ti ding hen ka tik a tlung rawh. Na sualnâk chu theih lo hen mawh pawi ti hen khuaruatnâk ka nei awtlo. Na thilti ruangah rêp hen na um lai,” a ti. LALPA Zahkâi nih a sim asi.

EZEKIEL 7:3

“Israel, a dawnghnâk a tlung rawh. Na thilti lakah lâi ka rêl mi ruangah ka thinthawknâk na theih lai. Na umdân fihnungkâi zawzawng man ka nan pêk awt.

EZEKIEL 7:4

Na lakah khuaruatnâk nei hen ka nan zauh awtlo. Thil fihnungkâi na ti ruangah ka nan rêp awt, kei LALPA kasi ti na theih lai,” a ti.

EZEKIEL 7:9

Na lakah khuaruatnâk nei hen ka nan zuah awtlo. Thil fihnungkâi na ti mi ruangah ka nan rêp awt, a nan rêptu chu kei, LALPA kasi ti na theih lai rawh,” a ti.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

EZEKIEL 9:10

Sikhawmsele, anmah ka lungkham na awtlo rawh; midang lakah an ti hâwi hen an lakah ka ti awt,” a ti.

EZEKIEL 9:5

Midang tla sinah Pathian nih thu a sim mi chu ka theih le, “Khuapi sungah va zûl ule thah u. Pakhat khawm zuah lah na u; âu tlûn khawm ah khua ruat lah u.

HOSEA 2:4

A fa le lak khawm ah khuaruatnâk ka nei lai lo, ningzak theihlo hen â zuar mi fa tla an si. Amah ngelchel nih, “Hawng ka dâwttu tla sinah ka kal lai le, anih nih buh leh tî, samul puan leh puannêm, oliv sariak leh uain an hawng ka pêk lai,” a ti.

ZEKARIA 11:6

(LALPA nih, “Tual tlûnah mi âukhawm ka lungkham na awtlo rawh, keimah tak nih an lâirêltu thu thu hen um na ding hen ka siah na awt. Chubang lâirêltu tla nih tual an râwk lai le, an thiltikhonâk lakah mi ka hum awtlo,” a ti.)

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

MARK 13:12

Chun, thah ding hen a unaupa nih a unaupa a tleihtir lai le, pa khawm nih a fa a tleihtir lai; fa tla khawm nih an nu leh an pa tla an do lai, an thahtir lai.

DEUTERONOMY 29:20

Chubang hâwi minung chu LALPA nih a ngaihdam awtlo, ngaihdam ding ngangâk hen a thinthawknâk chu mei hâwi hen a lakah a alh lai le, LALPA nih a veih dep lânlo chu siatnâk hi lasuibu lakah rîn zawzawng hi a tlûnah a tlung lai.

1 SAMUEL 14:16

Saul minung vêngtu tla nih chun Benjamin ram Gibeah ah Philistia tla an tek mi chu an muh na rawh.