JEREMIA 13:13 - Bawm Common Language Bible Version

¹³ Churawhchun, Kei, LALPA nih hi ram minung David thlâk a mi lalchem tla, bâwlpu tla, khuavâng tla, Jerusalem mi zawzawng tla an rî lânlo chu uain ka dinh na awt.

JEREMIA 13:13 ပူးပေါင်းရင်းမြစ်များ

SAM 60:3

Na mi tla chu fâk tak hen na tuartir na le; kan rî ruangah khatlei khatlei kan hâwr.

SAM 75:8

LALPA nih chun hâi a put le, a thinthawknâk uain hâng rât tak hen a khah. A thlêt le, misual zawzawng nih an din; a zut mi dawngh tiang an din;

ISAI 29:9

Mâilei ah kal le, mâwl tak hen um! Mâilei ah kal le, mitchâw hen um! Uain lo thlo hen rî nek hen um! Zut khat khawm din lo hen hâwr!

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 51:17

Jerusalem, thawk rawh! A ṭhang le, thawk rawh! LALPA nih a thinthawknâk rêpnâk hâi a nan pêk mi chu na din rawh; Na din hep le, a nan hâwrtir.

ISAI 51:21

Nannih Jerusalem ah um mi tuartu tla nan rî hen hâwrtu tla,

ISAI 63:6

Ka thinthawknâk hen phun tla chu ka lamh na le, ka râwk na. An nungnâk thisen chu tual tlûnah ka thlêt,” a ti.

JEREMIA 13:12

LALPA nih ka sinah, “Jeremia, Israel mi tla chu uain dûr kip ah uain hâng râwn ding hen simh na. Uain dûr zawzawng uain hâng râwn ding chu kan theih ko ti hen an sâng lai.

JEREMIA 25:27

Churawhchun, LALPA nih ka sinah, “Kei, LALPA Zeizawng tikho, Israel Pathian nih an lakah râltuknâk ka tlungtir awt mi ruangah, an rî le luak hen, an tlû hen thawk kho lo rê tiang hen din ding hen ka pêk na ti simh na.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

JEREMIA 51:57

Lâirêltu tla, mifing tla, ruitu tla leh kawrsen tla chu rî nek hen ka siam na lai. An it lai le, anna ṭhang lai lo rawh. Kei, lalchem nih ka sim le, Kei chu LALPA Zeizawng tikho kasi.

JEREMIA 51:7

Babulon chu ka kut lakah ngûn hâi hâwi asi, laikulh pumpi rîttirtu asi. Phun tla nih uain chu an din le an thinlung a vei thlo.

HABAKUK 2:16

Chu ruangrûl ah nang khawm mi nih an zah ding ngâk hen mualphoh hen na um lai. Nang ngelchel khawm na din hen na hâwr lai. LALPA nih an rêpnâk hâi na din lai. Zah hen na umnâk chu ningzak hen a um lai.