JEREMIA 13:11 - Bawm Common Language Bible Version

¹¹ Tai lakah puannêm tâwi menh asi hâwi hen Israel leh Juda mi chu ka lakah bir tak hen tleih thlir na ding ka tum. Churuang chun ka mi tla, keimah sawrtu leh ka min zahtu ding an si ruangah hi hi ka ti mi asi le; sikhawmsele ka thu an ngâi duh lo,” a ti.

JEREMIA 13:11 ပူးပေါင်းရင်းမြစ်များ

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 147:20

Phundang tla rangah hi hi a ti mi asi lo, annih tla nih chubang a dân tla khawm an theih loh. LALPA chu sawr u!

SAM 81:11

“Sikhawmsele, ka mi tla nih chun ka thu an ngâi lai lo le; Israel nih chun ka thu an ngâi lai loh.

ISAI 43:21

Keimah rang ding ê hen ka siam na mi an si le, keimah sawrnâk la an sak lai,” a ti.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

JEREMIA 13:1

LALPA nih kal hen puannêm tâwi tla menh ding ah keimah nih châwk ding hen hawng ka simh le, sikhawmsele tî lak lam chun siah lah hawng ka ti.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 13:12

LALPA nih ka sinah, “Jeremia, Israel mi tla chu uain dûr kip ah uain hâng râwn ding hen simh na. Uain dûr zawzawng uain hâng râwn ding chu kan theih ko ti hen an sâng lai.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 32:20

A lân khawm ah Aigupta ram ah singsiahnâk leh thilchê tla na ti le, tusûn ni tiang khawm ah Israel ram ah leh phundang tla nâwngah na ti vima rih, churuang chun tu chun mun kip ah theih hen na um rawh.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

JEREMIA 6:17

Churawhchun, LALPA nih, vêngtu tla chu theihtirnâk tâwtawrâwt ngâi ding hen a ruat. Sikhawmsele, annih nih, “Kan ngâi awtlo,” an ti.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 7:26

Sikhawmsele, mi âukhawm nih an âwva hen an ngâi duh na lo. Chu hâwi ding ngâk hen, lungkhung dauh leh an thlâk natu ngâk hen hel dauh hen nan um.

AMOS 3:1

Israel mi tla, Aigupta ram thawk hen suak mi phun zawzawng nih LALPA nih nan thâwngthâng a sim mi thuchah hi ngâi u:

LUK 10:11

‘Nan khua valeidip kan kezaphah ah kawp khawm hi nan lakah kan tât hi; sikhawmsele, Pathian Ram nan kiangah a hawng tlung rawh ti theih u,’ ti u.

DEUTERONOMY 26:18

Tusûn ni ah hin LALPA nih amah mi tak ah thu a nan tiamh na mi hâwi hen a nan pawm na rawh; a dân zawzawng zûl ding hen thu a nan pêk na asi.

DEUTERONOMY 26:19

A siam mi phun dang tla ngâk hen rokual dauh hen an siam na lai le, a min chu zah hen nan sawr lai. Thu a tiamh hâwi hen amah mi tak nan si lai rawh,” a ti.

DEUTERONOMY 4:7

“Phun dang zei ti tal rokual khawmsele, an herh leh an duh ni ah an pathian nih naih na khawmsele, LALPA kan Pathian kan sinah a um mi hâwi chu asi lo. Zeiliau zawng ah ṭangpi kan deih chun hawng kan sâng.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.