JEREMIA 13:10 - Bawm Common Language Bible Version

¹⁰ Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 13:10 ပူးပေါင်းရင်းမြစ်များ

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

ISAI 3:24

Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 11:18

Ka mêlma tla nih an hawng ka phiarnâk thu LALPA nih hawng ka simh.

JEREMIA 13:7

Churawhchun, ka kîr le, ka thuhnâk mun ah mi chu ka va muh le, â râwk hep, a ṭha rerêng lo rawh.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 20:4

LALPA amah tak nih, ‘Nangmah rangah leh na hâwi tla rang khawm ah ṭihnungkâi ah ka nan siam awt, mêlma tla nih nâmsâu hen an thah na mi zawzawng na muh lai. Juda mi tla chu Babulon lalchem thiltikhonâk tangah ka siah na awt; mi zeimaw mi chu sal ah a ram leiah a put na lai le, a dang tla chu a thah na lai.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 23:17

Ka thu sim ngâi duhlotu tla sinah, nan lakah zeizawng â rêlkhâwng vima lai an ti na. Mi lungkhung tla sin kip ah siatnâk nih a nan tawngh lai loh,” ti hen an simh na.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 44:16

“LALPA min hen ngâi ding hen na kan simh mi thu chu kan êl.

JEREMIA 44:5

Sikhawmsele, nan âwva lo hen ngâi khawm nan ngâi duh lo. Pathian dang tla sinah bâwlnâk thilsual nan ti mi nan lêt duh lo.

JEREMIA 5:23

Sikhawmsele nannih mi zapi tla, nan lungkhung hen nan hel le; nanna kiang le, nan hawng ka mâk thlap.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:6

Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

JEREMIA 8:5

Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

JEREMIA 9:13

LALPA nih a sâng le, “Ka mi tla nih ka sîntir na mi an ngâilo ruangah hi bang tla hi a hawng tlung mi asi. Ka simh na mi hâwi hen an ngâi hen thil an ti lo.

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

NUMBER 14:11

LALPA nih Mosi sinah, “Zeitiang rêmruam me, hi zapi tla nih an hawng ka nawng awt? Zeitiang rêmruam me, an lakah thilchê tam tak ka ti khawm ah an ka zumh lo awt?

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?