JEREMIA 13:1 - Bawm Common Language Bible Version

¹ LALPA nih kal hen puannêm tâwi tla menh ding ah keimah nih châwk ding hen hawng ka simh le, sikhawmsele tî lak lam chun siah lah hawng ka ti.

JEREMIA 13:1 ပူးပေါင်းရင်းမြစ်များ

ISAI 20:3

Asdod chu lâk asi rawh chun LALPA nih, “Ka to-aw Isai chu takkaro leh kê karo hen kum thum kar a kal rawh. Chu chu Aigupta leh Sudan lakah thil a hawng tlung ding mi singsiahnâk asi.

JEREMIA 13:11

Tai lakah puannêm tâwi menh asi hâwi hen Israel leh Juda mi chu ka lakah bir tak hen tleih thlir na ding ka tum. Churuang chun ka mi tla, keimah sawrtu leh ka min zahtu ding an si ruangah hi hi ka ti mi asi le; sikhawmsele ka thu an ngâi duh lo,” a ti.

JEREMIA 18:2

“Thu ka nan simhnâk ding mun bêlhêmtu in ah va kal,” hawng ka ti.

JEREMIA 19:1

LALPA nih tual bêl châwk ding hen va kal hawng ka ti. Zapi lakah upa zeimaw mi tla leh bâwlpu upa dauh zeimaw mi tla,

JEREMIA 27:2

savun ri leh thing ngul liangbat na ngâwng ah bah ding hen siam hawng ka ti.

JEREMIA 43:9

“Lung a lianpi mi tla lâk le, hi khuapi ah lâirêlnâk in tualmâi ah mi lungphah sungah phun, chu chu Israel mi tla mitmuh ah ti rawh.

THILTI 21:11

Chun, kan sinah a hawng kal le, a kê tla, a kut tla amah nih â phuar le, chun “ ‘Jerusalem khua ah Juda tla nih hi hâwi hen hi tâisâwm neitu hi an phuar lai le, Phundang tla kut ah an pêk lai,’ Thlarau Thenhlimh nih a ti,” a ti.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,