JEREMIA 12:7 - Bawm Common Language Bible Version

⁷ LALPA nih, “Israel chu ka kaltâk le; ka phun thîm tla chu ka nawng rawh. Ka dâwt mi minung tla chu an mêlma thiltikhonâk lakah ka pêk na rawh.

JEREMIA 12:7 ပူးပေါင်းရင်းမြစ်များ

2 Lal 21:14

Mihel tla chu ka nawng lai le, anmah nehtu leh an ram râwktu an mêlma sinah ka ap na lai.

SAM 106:40

Churawhchun, LALPA chu a mi le tla lakah a thinthawk le; a fih na rawh.

SAM 78:62

A mi le tla tlûnah a thinthawk le, an mêlma tla a thahtir na.

ISAI 2:6

Pathian, na mi Jakob thlâk tla chu na kaltâk na rawh! Ram chu saklei leh Philistia ram thawk hen hawng mi dâwithiam tla hen an khat rawh. Mi nih ramdang umdân an châwng.

JEREMIA 11:15

LALPA nih, “Ka dâwt mi minung tla nih thilsual an ti. Ka Biakin ah tingvo zei me an nei? Bâwlnâk ah ran ap leh thutiamnâk siam hen siatnâk vêng kho ding hen ma an ruat? Chu nih chun a lawmhtir na awt ma?

JEREMIA 14:19

LALPA, Juda chu na nawng thlo rawh mu? Zion mi tla chu na hua na mu? Zei rangah dam kho lo thlo ding hen nganfâk hi tluk na kan pêk? Thlangamnâk kan hâwl le, sikhawmsele thil ṭha zeikhawm a hawng tlung lo; dam ding kan lungum mi lakah ningṭihnâk lam a hawng um.

JEREMIA 17:4

Ka thinthawknâk chu mei hâwi hen a alh kumza awt ruangah ram ka nan pêk na mi chu nan dawk lai le, nan theih dah lonâk ram ah nan mêlma tla rianṭuantu ah ka nan siam na lai,” a ti.

JEREMIA 22:5

Sikhawmsele ka thupêk nan zûl lo mi asi chun, hi lal in hi râwk ding hen thu ka nan tiamh na asi. Kei, LALPA nih ka sim asi.

JEREMIA 23:33

LALPA nih ka sinah, “Jeremia, ka mi tla lakah minung pakhat nih mawh, khuavâng nih mawh bâwlpu nih mawh, ‘LALPA thuchah chu zei me si?’ ti hen a nan deih chun, ‘Nang hi LALPA lakah thilrit na si, a lakah mi a nan lawnh awt’ ti hen na simh ding asi.

JEREMIA 23:39

ka thur ving na lai le, anmah leh an thlâktu tla sinah ka pêk na mi khuapi chu ka sinah mi lât takah ka lawnh ving awt.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

JEREMIA 7:14

Churuang chun Siloh khua ah ka ti mi hâwi hen hi nan rinhsanh mi ka Biakin lakah hin ka ti awt. Nan thlâktu tla sinah leh nanmah rangah kan pêk na mi mun ah hin, Siloh khua ah ka ti mi hâwitê hen ka ti awt.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

EZEKIEL 24:21

Biakin nanna rinhsanh. Va zauh ding leh va pal ding khawm nan duh thlo le, sikhawmsele LALPA nih a nawmh awt. Chun nan in sungkhur ah a ngâksia dauh mi tla Jerusalem ah um rih mi tla chu râltuknâk ah thah hen an um lai.

HOSEA 11:1

LALPA nih, “Israel chu ngâksia asi liauah ka dâwt le, Aigupta ram ah mi chu ka fapa rangah ka kawh.

HOSEA 9:15

LALPA nih, “An thilsual ti zawzawng chu Gilgal ah anna dawmh, chu mun thawk hen anmah ka hua na rawh. Thilsual an ti mi ruangah ka ram sungah mi ka suah na awt. An ruitu tla ka lakah an hel le, ka dâwt na awtlo rawh.

JOEL 2:15

Zion Tlâng tlûnah tâwtawrâwt tum ule, buh ngei ding hen thu suah u!

JOEL 3:2

Phun tla zawzawng ka pumh lai. Lâirêlnâk (Jehoshaphat) Vakuam ah ka put na lai. Chun ka mi le tlûnah thil an ti mi ruangah lâi ka rêl lai. Ramdang ah Israel tla chu an rek phin na le, Israel umnâk ka ram chu an semsâi ver.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

DEUTERONOMY 33:12

Benjamin phun thu a sim: “Hi hi LALPA nih a dâwt hen a hum na mi phun chu asi; Nî tlâk hen anmah tla chu a vêng na le, An lakah â chêl,” a ti.