JEREMIA 12:6 - Bawm Common Language Bible Version

⁶ Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

JEREMIA 12:6 ပူးပေါင်းရင်းမြစ်များ

JOB LASUIBU 6:15

Sikhawmsele, nannih ka hâwi tla, tivatê a luang mi ruah a sûr lo rawh chun a kang ving hâwi hen nan hawng ka perpet.

SAM 12:2

Mi zawzawng âwkrâwl anna simh tawnh le, sawr telenâk hen anna perpet.

SAM 12:3

LALPA! sawr telenâk kâ chu bângtir le, khâwngnâk kâ tla chu phih piak na.

SAM 69:8

Ka unau tla sinah chun khual hâwi kasi le; ka dâwngsung tla sinah chun ramdang mi hâwi kasi.

THUFING LASUIBU 23:8

Na ei mi chu na luak lai le, vel leh khua hen na tinâk chu zeikhawm asi lai loh.

THUFING LASUIBU 26:25

Ṭha tak hen lang khawmsele lung lah. Mi a huatnâk hen a thinlung a khat dil asi.

ISAI 31:4

LALPA nih ka sinah, Dawrâpu chu zei ti tal âu hen râk khawmsele, chakeibaknei nih ran a seh mi chu a hum kho lo; chu hâwi hen LALPA Zeizawng tikho nih Zion Tlâng ka hum ding mi chu hawng ka khap khotu zeikhawm a um loh.

JEREMIA 11:19

Dawrâ fa zumhkâi thah ding hen put mi hâwi kasi le, ka lakah thilsual ti an tum mi khawm ka theih lo. “Thing a dawr ṭha liau takah kan hâu lai le; âukhawm nih theihlo rawh ding hen kan thah ving lai,” an ti.

JEREMIA 11:21

Anathoth mi tla nih thah an ka duh le, LALPA thuchah ka phuang kumza chun thah ding an ka tum ti an ka simh.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

JEREMIA 9:2

Ka mi le tla sinah mi ramkaro ah va um vingnâk mun nei ka duh. Mah dîrmun kaltâktu leh mi zumhkâilo hep an si.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

JEREMIA 9:4

Mikip mah hâwi lakah anna vêng ding asi, unau kip chu Jakob hâwi hen perpettu leh mikip mah hâwi tla sâwitu an si ruangah pakhat khawm nih a hâwi tla a zumh kho lo rawh.

JEREMIA 9:5

An hâwi tla mah lo leikângah an rui na le, pakhat khawm nih thudik an sim lo; an lei chu âwkrâwl thusimnâk ah an mang le, thilsual ti ding an bâng lai lo. Siatnâk an ti nûnah an ti singsuan le, an perrpet nûnah an perpet singsuan. LALPA nih ka mi tla nih an ka nawng a ti.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

MARK 12:12

Chun, amah chu tleih an tum le, sikhawmsele, mi zapi chu an ṭih le; chu tahṭhimh thu chu anmah tla tisan hen a sim ti an theih dangâiah. Chun, amah chu an kaltâk le, an kal rawh.

JOHAN 7:5

A unau tla khawm nih an zumh lo.

THILTI 16:22

Chun, mi zapi tla khawm chu mifial tla do na ding hen an hawng a thawh le, lâirêltu tla nih chun an puan tla an lît piak na le, ṭhianṭhunh hen vuak ding thu an pêk.

THILTI 18:12

Chun, Galio chu Akaia ram ah lal ruangrûl ah a um liauah Juda tla nih a rual hen Pawl rangah an do chiam le, lâirêlnâk ah an hawngpi le,