JEREMIA 12:5 - Bawm Common Language Bible Version

⁵ LALPA nih, “Jeremia, minung tek zuam hen na dî thlo asi chun, Zeitin rang tla rangah tek na zuam kho awt? Ram lak men ah na dîr kho lo asi chun, Jordan vakap mâng ah zeitin na um kho awt?

JEREMIA 12:5 ပူးပေါင်းရင်းမြစ်များ

1 CHRONICLES 12:15

Kumkhat sung ah thla masa chem ah, Jordan Va tikâwr a khat zat liauah an tan le, chu tivakuam ah um mi tla, saklei kâng leh thlanglei kângah um mi tla chu an ṭhiau phin na.

THUFING LASUIBU 24:10

Tik harsat liauah na dî thlo chun na dî tatak mi asi lai.

THUFING LASUIBU 3:11

Ka fapa, LALPA nih a nan nik tikah, a kiang tekah a thu ngâi le, nunsimhnâk asi ti ruat rawh.

JEREMIA 11:21

Anathoth mi tla nih thah an ka duh le, LALPA thuchah ka phuang kumza chun thah ding an ka tum ti an ka simh.

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

JEREMIA 36:26

Churawhchun, lal nih, lal fapa tla Jerahmeel, Azriel fapa Seraiah hen, Abdeel fapa Selemiah tla chu ka lasuirîntu Baruk leh kei chu tleih ding hen thu a pêk na rawh. Sikhawmsele, LALPA nih hawng kan thuh.

JEREMIA 49:19

Chakeibaknei tumun thawk hen a hawng suak le, Jordan Va dung zawh hen ram ningno leiah a kal mi hâwi hen ka hawng kal lai le, Edom mi tla chu an ram thawk hen mawhsareh hen ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

JEREMIA 50:44

“Chakeibaknei thing mun thawk hen a hawng suak le, Jordan va dung zawh hen ram ningno leiah a kal mi hâwi asi. Kei LALPA, ka hawng kal lai le, Babulon mi tla an khuapi ah mi chu lâkkhatko ah ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

1 PETER 4:12

Ka duhtak le tla, nan lakah a dân lo hâwi hen thil zeimawh hawng tlung menza khawmsele niknâk fâk tak nan tuar mi hi chê ti lah u.