JEREMIA 12:16 - Bawm Common Language Bible Version

¹⁶ An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 12:16 ပူးပေါင်းရင်းမြစ်များ

LA TLA LA 1:8

Nunau tla nih an duh chem mi mun na theih lo ma? Kal le, ranrual tla va zûl le, dawrâ vêngtu tla puanin kiangah na kêl tla rangah belh no va hâwl.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 45:23

Ka thutiam chu a dik le, lêt asi lai lo rawh. Bir tak hen ka sinâk zawzawng hen ka tiamh mi asi; mikip hawng hen ka mâika ah anna siksidîr lai le, zumhkâi ding hen ka sinah thu anna tiam lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 18:8

chu phun tla nih an thilsual ti an bâng chun, ti ding ka ti lai ka ti mi chu ka ti awtlo.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

JEREMIA 5:2

LALPA sawnh ding hen sim khawm le, na sim mi chu na tum lêm lo.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

ROM 14:11

Pathiau lasui thu nih, “Lalpa nih chun, Pathian nung kasi ruangah mikip ka mâika ah an kûn lai le, lei kip khawm nih Pathian kasi zia a phuang lai,” ti hen, a sim hâwi khan.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

JOSUA 23:7

chu tikah hi a leifuan um mi minung sinah hin kawpkaihnâk nan nei lai lo le, an pathian min khawm nan lam lai lo, an min sim hen thutiamnâk khawm nan nei lai loh, chubang tla pathian sawnh hen an sin khawm ah nan kûn lai lo.

RUTH 3:13

Tuzân zân khat hinah um rih le, thâizîng ah a ti ding mi chu a ti lai mawh tilo kan zauhnik lai. Chu hâwi asi chun a ṭha hen a dik asi, asi lo lam chun Pathian nung min sâl hen mawhphurhnâk chu ka ting lai ti ka tiam asi. Tuah hinah khuadei tiang hen it ko,” a ti.