JEREMIA 11:8 - Bawm Common Language Bible Version

⁸ Sikhawmsele, an zûl hen an ngâi duh lo. Chu ngâk hen mikip nih an lung an khung tir hen an sual nget rih. Thudântuk zûl ding hen thu ka pêk na le, sikhawmsele an êl. Churuangah an lakah rêpnâk rîn hen um mi zawzawng chu ka tlungtir,’’ a ti.

JEREMIA 11:8 ပူးပေါင်းရင်းမြစ်များ

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

NEHEMIAH 9:29

Na sîntirnâk tla zûl ding hen na fawrh na le, sikhawmsele, anna zûmnâk ruangah na Dân tla zûl hen nungnâk ding chu an duh lo. An lung an khungtir le, ngaihlo lêm an thlâk le, an zûl duh lo.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 31:32

A lânah anmah thlâktu tla sinah thudântuk li ka siam le, kut hen ka tleih na le, Aigupta mi ka suakpi na liau mi hâwi asi lai lo rawh. Kei chu an lakah pasal hâwi kasi khawm ah, annih nih chun thudântuk chu an zûl lo.

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

JEREMIA 34:14

Hebrai sal tla chu kum ruk sal rian an ṭuan nûn chun a kum sarihnâk ah suah vima ding asi ti hen ka simh na. Sikhawmsele nan thlâktu tla nih thu ka sim mi chu ngaihlo lêm thlâk hen an ngâi duh lo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

JEREMIA 44:16

“LALPA min hen ngâi ding hen na kan simh mi thu chu kan êl.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 44:5

Sikhawmsele, nan âwva lo hen ngâi khawm nan ngâi duh lo. Pathian dang tla sinah bâwlnâk thilsual nan ti mi nan lêt duh lo.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 7:26

Sikhawmsele, mi âukhawm nih an âwva hen an ngâi duh na lo. Chu hâwi ding ngâk hen, lungkhung dauh leh an thlâk natu ngâk hen hel dauh hen nan um.

EZEKIEL 20:8

Sikhawmsele an ka siarlo le, ngâi ding an duh lo. An milem fihnungkâi khawm an lawnh duh lo, Aigupta pathian khawm an nawng lo. Aigupta ah ka thinthawknâk fâk tak theihtir na ding hen ka tîm rawh.

ZEKARIA 1:4

An thlâk natu hâwi hen um lah u, a lânah khuavâng tla nih ṭhalo tak leh sual tak hen umlo rawh ding hen ka thuchah an simh na, sikhawmsele ka thu an ngâi hen an zûl lo.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.