JEREMIA 11:23 - Bawm Common Language Bible Version

²³ Anathoth mi tla lakah siatnâk tlung ding hen tik ka ruat rawh, chu chu a tlung tik chun pakhat khawm an dam lai lo,” a ti.

JEREMIA 11:23 ပူးပေါင်းရင်းမြစ်များ

JEREMIA 11:19

Dawrâ fa zumhkâi thah ding hen put mi hâwi kasi le, ka lakah thilsual ti an tum mi khawm ka theih lo. “Thing a dawr ṭha liau takah kan hâu lai le; âukhawm nih theihlo rawh ding hen kan thah ving lai,” an ti.

JEREMIA 23:12

An kalnâk lampi chu a nâl hen a mûi lai; suih leh bah hen ka siam na lai. An lakah siatnâk ka tlungtir awt; an rangah rêpnâk tik a hawng tlung rawh. Kei, LALPA nih ka sim asi.

JEREMIA 44:27

Nanna dingchang lo ding mi leh siat leh râwk hen nan um ding mi ka nan zauh na awt ko. Pakhat khawm âk lo hen râltuknâk ah mawh râi lakah mawh nan thi hep lai.

JEREMIA 46:21

A kawrsen a mang mi tla khawm chawlâ ṭangpitu hâwi hen an um. An dîr hen an do lo le, an ektê hen anna her le, an tek hep. An vânduai ni leh an siatnâk tik a tlung rawh.

JEREMIA 48:44

Ningṭihnâk thawk hen suak tumtu tla chu khur lakah an tlâ lai le, âuzawng khur lakah mi suak tum hen kâitu tla chu thang nih a awh lai, Moab râwknâk tik LALPA nih a ruat rawh mi asi ruangah.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

JEREMIA 50:27

An kawrsen zawzawng thah na u! Veih dep na u! Babulon mi tla chu an vânduai rawh! An rangah rêpnâk ding tik a tlung rawh,” a ti.

JEREMIA 6:9

LALPA Zeizawng tikho nih ka sinah, “Israel chu grep zûn lakah mi kawih hep mi hâwi hen thiang ko hen vuak asi lai. Churuangah tik a um liauah mikip nan suak ding asi,” a ti.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

OBADIAH 1:18

Jakob leh Josef mi tla chu mei hâwi an si lai le, Esau mi tla chu fâng kûngmui mei nih a khangh mi hâwi hen an vei lai. Esau thlâk tla chu pakhat khawm an âwl lai lo. Kei, LALPA nih ka sim mi asi.

MIKAH 7:4

An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.

LUK 19:44

Na dâwngsung lakah na fa tla, nangmah hen tual ah an lawnh chiam lai; na sungah lung chuanh mi rerêng an zuah lai lo; a nan veh liau na theih lo ruangah chu hâwi ni tla chu na tlûnah a hawng tlung teh lai,” ti hen.