JEREMIA 11:22 - Bawm Common Language Bible Version

²² Churuangah, LALPA Zeizawng tikho nih, “Ka rêp na lai! An tlangvâl tla chu râltuknâk ah an thi lai le, an fa tla chu buh ngei hen an thi lai.

JEREMIA 11:22 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 44:13

Jerusalem chu râltuk leh pâmnâk leh râi hen ka rêp mi hâwitê hen Aigupta ah um mi tla chu ka rêp na awt.

JEREMIA 49:26

Chu ni ah chun tlangvâl tla chu khuapi zâwllâi ah thah hen an um lai le, a kawrsen tla khawm an vei lai.

JEREMIA 9:21

Thihnâk chu kan langawtkawt ah a hawng lût le, kan lal in tla ah a va lût; khuadung ah ngâksia tla a thah na le, sumtuahnâk mun ah mi tlangvâl tla a thah na.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

AMOS 4:10

“Aigupta ram ah a tlung mi hâwitê hen nan lakah râi ka hawng tlungtir. Nan tlangvâl tla râltuknâk ah ka thah na le, nan rang tla kan lâk piak ver na. Nan um mun ah ruak thû rim hen nan nârkua tla ka khattir. Chu khawm ah ka sinah nan hawng kîr lo nget rih.