JEREMIA 11:20 - Bawm Common Language Bible Version

²⁰ Churawhchun, thla ka cham le, “LALPA Zeizawng tikho, nang chu lâirêltu rep na si; minung thinlung dawn leh theihnâk tla chu na nik. Ka lawksawngnâk chu na kut ah kan ap, churuang chun hi minung tla lakah lehrûl na sam mi hawng ka ngâktir,” a ti.

JEREMIA 11:20 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

2 Lal 19:14

Lalchem Hezekiah nih mifial nih a hawng put mi lasui chu a lâk le a rêl, LALPA mâika ah lasuikuat chu a siah le, thla a cham:

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

JOB LASUIBU 5:8

Kei hi nangmah hâwi si sele, Pathian leiah ka hawi lai le, ka thu a sinah ka tlunh lai.

SAM 139:23

Pathian, hawng ka zauhfiang le, ka thinlung hi theih; hawng ka nik le, ka dawn mi tla hi theih rawh.

SAM 35:2

Na phâw leh na râlthuam lâk hen hawng ka sanh.

SAM 43:1

Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 58:10

Mirep tla nih misual rêp hen a um mi an muh tikah anna lâwm lai, misual tla thisen hen a kê chu a ṭâwl lai.

SAM 7:10

Pathian chu hawng ka vêngtu asi; a thu ngâitu chu a hum na.

SAM 7:8

LALPA, nang chu mi zawzawng lâirêltu na si, ka umdân hâwi vima hen lâi hawng ka rêl piak. Thilsual ka ti lo zia na theih.

SAM 7:9

Nang chu Pathian rep na si le, kan dawn mi leh kan duhnâk tla lakah lâi na rêl. Misual tla sualnâk chu bângtir le, mi ṭha tla chu lâwmman pêk na.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 15:15

Churawhchun, kei nih, “LALPA, nangnih na theihthiam. Hawng ka theihkumza le, hawng ka ṭangpi rawh. Hawng ka nehsawhtu tlûnah lehrûl hawng ka sam piak. Thah kho ding hen an hawng ka awttu tla lakah chun a dawnh tuk lah. Nangmah ruangah zauhnawmh kasi mi hi theihkumza.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 17:18

Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JEREMIA 20:12

Sikhawmsele, Zeizawng tikho LALPA, rep tak hen mi chu na nik na, an thinlung leh an dawnnâk ah zei a um ti na theih. Churuangah ka harsatnâk zawzawng chu na sinah ka hawng siah asi. Nangmah nih ka mêlma lakah phû na lam mi chu hawng ka muhtir rawh.

LUNGFÂKNÂK 3:58

“LALPA, ruangsuah ding hen na hawng le, ka nungnâk na hum.

LUNGFÂKNÂK 3:59

Ka lakah thil diklo ti hen a um mi chu na theih le, na ka sunhsaknâk hen lâirêl.

LUNGFÂKNÂK 3:64

“LALPA, an thilti ruangah rêp na le,

EZEKIEL 11:5

LALPA thlarau nih a hawng ka luah le, mi zapi sinah hi thuchah hi sim ding hen LALPA nih hawng ka simh rawh: “Israel mi tla, nan thusim leh nan thiltum chu ka theih asi.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

PHILIPI 4:6

Zei lak khawm ah lawksawng lah u; zeizawng ah thlacham leh deih hen, lâwmthusim tel vima hen, nan duhnâk tla chu Pathian sinah theihtir hen um dauh seh.

2 TIMOTHE 4:14

Alekzandar, dâr êr thiam mi kha, ka lakah thungâi a sual tâwn asi, Lalpa nih chun a thilti zia vima hen lehrûl a sam lai.

1 PETER 2:23

Mi nih hawlhsiat an barh liau khawm ah a barh na bâk lo, a tuar liau khawm ah a ṭhih na lo, lâirêltu rep, Pathian lakah a lungumnâk a ngauh dauh asi.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.