JEREMIA 11:16 - Bawm Common Language Bible Version

¹⁶ Veikhat chu oliv thing nah dawh tak leh rah dawh tak mi ka nan ti le, sikhawmsele tu lam chun khuarît hâwi hâu suah hen a nah chu mei hen ka duah lai le, a ṭeng tla ka khiak awt.

JEREMIA 11:16 ပူးပေါင်းရင်းမြစ်များ

JOB LASUIBU 8:16

Misual tla chu belh hâwi hen nî sa lakah an chawrh le, dûm lakah belh khat dil a zâm mi hâwi an si.

SAM 52:8

Kei lam chu Pathian in ah oliv thing a kho mi hâwi asi; zungzâl hen a dâwtnâk dawnglo lakah ka ngauh.

SAM 80:16

Kan mêlma tla nih mei hen an duah le, an hâu ving, na thinrunhnâk hen zauh na le, veih na!

SAM 80:17

Na phun thîm tla chak tak hen na siam na mi chu, kilkâwi hen zauhkhenh na.

SAM 83:2

Zauhnik! na mêlma tla an thawk le, a nan huatu tla an hel.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

JEREMIA 2:21

Chî ṭha chem lakah mi grep zûn sung tak hâwi hen ka nan phun. Sikhawmsele zei hâwi na si rawh, a zauh nik! Grep zûn a ngêt mi mang tlâklo mi hâwi na si rawh.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

HOSEA 14:6

Chawrh thar hen an nung lai le, oliv thing tla hâwi hen anna dawh lai. Lebanon tlângah sidar thing hâwi hen an rimthâw lai.

MATHAI 3:10

Tu thawk hen reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn.

JOHAN 15:6

Mi keimah lakah a um kumza lo chun, ṭeng hâwi hen lawnh hen a um le, a uai tâwn; chun, an khawmh le, mei ah an paih le, a kâng tâwn.

DEUTERONOMY 28:40

Oliv thing tla chu nan ram mun kip ah nan phun lai le, sikhawmsele a sariak chu nan nei lêm lai lo, oliv tla chu a tlawng ver awt ruangah.

THUPHUANG 11:4

Chun, laikulh Lal mâika ah an dîr mi, theihpitu panih tla chu oliv thing panih leh meichêu panih chu an si.