JEREMIA 11:14 - Bawm Common Language Bible Version

¹⁴ Jeremia, hi bang minung tla ruangah hin ka sinah thlacham hen hawng ka ngiar lah. An lawksawng ni ah ṭangpi hawng ka ngiar na khawmsele ka ngâi piak na awtlo,” a ti.

JEREMIA 11:14 ပူးပေါင်းရင်းမြစ်များ

SAM 66:18

Ka sual ka theihtir lo chun LALPA nih hawng ka ngâi piak lai lo.

EXODUS 32:10

Tuah hawng ka khap rîlmâl lah, ka thin an hawng ka thawktir tuk; ka kal lai le, ka veih dep na awt. Churawhchun, nangmah leh na thlâk tla phun rokual takah ka nan siam na awt,” a ti.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 14:11

LALPA nih ka sinah, “Hi bang minung tla ṭangpi ding hen hawng ka ngiar lah.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 7:16

LALPA nih, “Jeremia, hi minung tla rangah hin thlacham lah. Anmah ruangah ṭap lah, thla khawm cham lah; ka sinah khawm deih piak lah na, ka nan ngâi piak awtlo ruangah.

HOSEA 5:6

LALPA sinah bâwlnâk ah an dawrâ leh an ranrual tla an put le, sikhawmsele an rangah zeikhawm a ṭhatnâk a um lo. A kaltâk na rawh ruangah amah chu an tawng kho lo rawh.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

1 JOHAN 5:16

Âuzawng a unaupa nih thihnâk khawp rê hen a tling lo mi sual ti hen muh sele, nungnâk pêk awttu Pathian chu a deih lai le, a deihnâk chu a siang piak lai. Sikhawmsele, thihnâk khawp rê sual a um le, chu hâwi mi rang chun deih piak ding ka ti mi si lo.