JEREMIA 11:13 - Bawm Common Language Bible Version

¹³ Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 11:13 ပူးပေါင်းရင်းမြစ်များ

2 Lal 23:13

Josiah nih lalchem Solomon nih Jerusalem saklei ah a siam mi mâichâm tla oliv tlâng simlei mi milem fihnungkâi Sidon pathiannu Astarte, Moab tla pathian Kemos leh Amon pathian Milkom sawnhnâk tla chu a râwk hep.

2 CHRONICLES 28:25

Juda ram khuapi leh khuatê kip ah lunglotu tla ruk sawnhnâk mun a siam le, chunah chun ram dang mi pathian sinah rimthâw duah ding hen. Hi hâwi hen amah thlâktu LALPA Pathian thinthawknâk chu amah tlûnah a tlungtir.

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 17:1

LALPA nih, “Juda mi tla, nan sualnâk chu thîr kâwnglâwng fung hen rîn asi le; nan thinlung ah leh nan mâichâm ki ah lungsung zum hen ker si.

JEREMIA 18:15

Sikhawmsele ka mi tla nih an ka philh le; milem tla sinah rimthâw an duah. An kalnâk ding mi lampi ah an tlû le, lampi li tla ah kal lo rawh hen singsiahnâk umlo mi lampi ah an kal rawh.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 19:5

an fa tla chu bâwlnâk ah mei ah duah ding hen Baal rangah mâichâm an siam. Chubang ti ding hen kei nih thu ka pêk na dahlo; ka thinlung khawm ah a um dahlo.

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

JEREMIA 3:24

Sikhawmsele, Baal, ningzaknâk pathian kan sawnh mi ruangah kan ran leh ranrual tla, kan fapa leh kan fanu tla, thil zeizawng hawng kan thlâktu nih a lânah an ṭuan mi tla hawng kan veih phahtir ver.

JEREMIA 3:25

Ningzak hen kan rîl thlo lai le, kan ningzaknâk nih hawng kan khuh seh. Kan thlâktu leh kanmah khawm LALPA kan Pathian lakah kan sual kumza; a thupêk khawm kan ngâi dahlo,” nan ti.

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

JEREMIA 44:21

“Nanmah leh an thlâk natu, nan lal tla leh an rui natu leh ram lakah mi tla nih Juda khuapi lakah leh Jerusalem khua lâi ah bâwlnâk nan pêk mi tla chu LALPA nih philh leh theih lo ding hen ma nan ruat?

JEREMIA 44:5

Sikhawmsele, nan âwva lo hen ngâi khawm nan ngâi duh lo. Pathian dang tla sinah bâwlnâk thilsual nan ti mi nan lêt duh lo.

JEREMIA 48:35

Moab tla nih an pathian sawnhnâk mun ah duahphung thil ap an siam mi leh an pathian tla sinah bâwlnâk an ap mi chu ka bângtir awt. Kei, LALPA nih ka sim asi.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

EZEKIEL 16:24

lam vâu kip ah milem sawnhnâk mun na tuah le, nunau â zuar mi zia na châwng.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

HOSEA 12:11

Sikhawmsele, Gilead ah milem tla an sawnh le, chubang sawnhtu tla chu an thi ding asi. Chawchal tla chu bâwlnâk ah Gilead ah an mang le, chu phâisen ah mi mâichâm tla chu lung pawng salam ah â chang lai,” a ti.

HOSEA 9:10

LALPA nih, “Israel tla chu ramkaro ah grep a kho mi hâwl ding mi hâwi hen a tîrah chun ka muh na. An thlâk natu chu ka muh tîr chun a tikah theipi a min masa chem mi hâwi hen ka muh na. Sikhawmsele Peor tlângah an hawng le, Baal an sawnh le, an duh mi pathian tla hâwi hen fihnungkâi hen an hawng um sawm.