JEREMIA 11:11 - Bawm Common Language Bible Version

¹¹ Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 11:11 ပူးပေါင်းရင်းမြစ်များ

2 Lal 22:16

hi LALPA thuchah tla chu va simh u: a ti na, “Lalchem nih lasuibu lakah a rêl mi hâwitê hen Jerusalem leh a sungah um mi tla chu ka rêp awt.

2 CHRONICLES 34:24

“Jerusalem leh a mi tla chu lasuibu ah siat rîn mi tla an rêl mi chu lalchem sinah tlungtir hen ka rêp na awt.

JOB LASUIBU 35:13

Pathian rangah auh chu a zauh na hen a ngâi piak na awtlo ruangah an rangah a ṭhatnâk zeikhawm a um lo.

SAM 18:41

Ṭangpitu an auh le, âukhawm nih an hum na lo; LALPA an auh le, sikhawmsele a sâng na lo.

SAM 66:18

Ka sual ka theihtir lo chun LALPA nih hawng ka ngâi piak lai lo.

THUFING LASUIBU 1:28

Chu tikah finghnâk na auh lai le, sikhawmsele kei nih kan sâng ding asi lo. Mun kip ah hawng ka hâwl khawm le, na ka tawng ding asi lo.

THUFING LASUIBU 29:1

Zeiliau zawng ah nunsimh kip ah na lungkhung chun, veikhat chu na râwk teh lai le, na ṭha kho lai lo rawh.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 24:17

Mikip nih ka thusim ngâi u! ṭihnungkâi, khur tla, thang tla nih a nan bawh na ko.

JEREMIA 11:14

Jeremia, hi bang minung tla ruangah hin ka sinah thlacham hen hawng ka ngiar lah. An lawksawng ni ah ṭangpi hawng ka ngiar na khawmsele ka ngâi piak na awtlo,” a ti.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 14:2

“Juda chu ngaihsiatnâk ah a um le; a khuapi tla khawm thi ding mi hâwi asi. A mi tla khawm ngaihsia hen tual ah an rîl phut. Jerusalem chu ṭangpi hauh hen a âu.

JEREMIA 15:2

Zeiah kan kal lai ti hen a nan deih chun, keimah nih ka sim rawh mi kha simh na: A zeimaw mi chu râi lakah thi ding mi an um, chu chu an kalnâk ding mi asi. A zeimaw mi chu râltuknâk ah thi ding mi an um, chu chu an kalnâk ding mi asi! A zeimaw mi chu sungvâng hen thi ding mi an um, chu chu an kalnâk ding mi asi! A zeimaw mi chu sal ah put ding mi an um, chu chu an kalnâk ding mi asi!

JEREMIA 18:11

Tuah, Juda mi leh Jerusalem mi tla chu anmah rêp na ding hen ka tum mi chu ka timhtuah zet rawh ti simh na. An umdân sual tla bâng hen an thilti tla lêt ding hen simh na.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 19:3

LALPA nih sim ding hen thu hawng ka simh le, “Nannih Juda lalchem tla leh Jerusalem khua mi tla, Kei, LALPA Zeizawng tikho, Israel Pathian nih thu ka sim ding mi hi ngâi u. Hi mun ah hin siatnâk ka tlungtir awt, âuzawng chu thu theihtu chu a â thlo lai.

JEREMIA 23:12

An kalnâk lampi chu a nâl hen a mûi lai; suih leh bah hen ka siam na lai. An lakah siatnâk ka tlungtir awt; an rangah rêpnâk tik a hawng tlung rawh. Kei, LALPA nih ka sim asi.

JEREMIA 25:35

Nan rangah suaknâk lampi a um lai lo.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 36:31

Thilsual nan ti mi zawzawng ruangah nang leh na thlâk tla leh na rianṭuantu tla ka nan rêp na awt. Jerusalem mi tla leh Juda ram mi tla âukhawm nih thu kan simh kan na mi nan ngâi duh lo, churuangah ka nan lâuh na mi siat leh râwknâk nan ektê tlûnah ka tlungtir awt,” a ti.

JEREMIA 6:19

Tual, ngâi rawh! Hi minung tla nih ka sîntirnâk an duh lo hen ka thu an ngâilo ruangah, an ruat mi zawzawng ruangah rêpnâk ding hen siatnâk an tlûnah ka tlungtir awt.

LUNGFÂKNÂK 2:22

Ka kiangkam ah ka mêlma tla chu Ningṭihnâk nuamsabut tuah ding hen na sâwm na le, Na thinthawk ni ah chun âukhawm an âwl kho lo. Ka fa ka châwm le, ka dâwt na mi an thah na.

EZEKIEL 14:3

“Thikho mi minung, hi bang minung tla hi an thinlung milem leiah an pêk le, sual leikângah milem nih a tlûktir na. Anmah ka sâng na ding hen ma an ruat?

EZEKIEL 7:5

Hi hi LALPA Zahkâi nih a sim mi chu asi, “Siatnâk a tlawt tlawt hen na lakah a hawng tlung.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.