JEREMIA 11:10 - Bawm Common Language Bible Version

¹⁰ Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 11:10 ပူးပေါင်းရင်းမြစ်များ

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

ISAI 24:5

Mi tla nih tual chu Pathian dân buar hen leh thudântuk zungzâl um ding mi chu râwk hen an nawmh.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 17:23

An thlâktu tla nih ka thu an ngâi duh lo le, zeikhawm an siarlo. Chu hâwi ding ngâk hen an lung a khung; ka thu an ngâi duh lo hen theih ding an duh lo.

JEREMIA 22:9

Churawhchun, nan Pathian sinah nan thudântuk nan kal tâk hen pathian dang tla sawnh hen a rian nan ṭuan ruangah asi ti hen an sâng lai,” a ti.

JEREMIA 31:32

A lânah anmah thlâktu tla sinah thudântuk li ka siam le, kut hen ka tleih na le, Aigupta mi ka suakpi na liau mi hâwi asi lai lo rawh. Kei chu an lakah pasal hâwi kasi khawm ah, annih nih chun thudântuk chu an zûl lo.

JEREMIA 44:16

“LALPA min hen ngâi ding hen na kan simh mi thu chu kan êl.

JEREMIA 44:5

Sikhawmsele, nan âwva lo hen ngâi khawm nan ngâi duh lo. Pathian dang tla sinah bâwlnâk thilsual nan ti mi nan lêt duh lo.

JEREMIA 7:28

Nan phun tla nih LALPA an Pathian khawm an theih lo, a rêp na mi khawm an theih lo ti hen simh na. Zumhkâinâk chu a thi rawh. A thu khawm sim asi lo rawh.

EZEKIEL 16:59

LALPA Zahkâi nih, “Na thutiam na zulh lo ruangah leh thudântuk na buar ruangah nangmah dêng hen ka nan ti awt.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

EZEKIEL 5:6

Sikhawmsele, Jerusalem chu ka thupêk lakah a hel le, phundang tla ngâk hen a sual dauh hen a kiangkam ram tla ngâk hen ê-aw ngâilo dauh mi a langh. Jerusalem nih ka thupêk ngâilo hen ka dân khawm a zûl duh lo.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

HOSEA 7:16

Ka lakah mi chu thiltikhonâk nei lo pathian leikângah an hawng ka pialtâk. Sâikûk zumhkâilo â kuai mi hâwi hen an um. Anmah ruitu tla chu puar tak hen an hawlh ruangah siatnâk lakah an thi lai le, Aigupta mi tla nih an nihsanh lai” a ti.

LEVITICUS 26:15

Ka dân leh ka thupêk tla nan zûl duh lo hen ka thudântuk tla nan buar chun,

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

ZEKARIA 1:4

An thlâk natu hâwi hen um lah u, a lânah khuavâng tla nih ṭhalo tak leh sual tak hen umlo rawh ding hen ka thuchah an simh na, sikhawmsele ka thu an ngâi hen an zûl lo.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

DEUTERONOMY 9:7

“Ramkaro ah LALPA nan Pathian nan thinthawk tir mi kha philh lah u. Aigupta ram nan kaltâknâk ni thawk hen hi mun nan tlung tiang hen a tlûnah nan hel mi kha.

HEBRAI 8:9

Kut hen Aigupta ram thawk hen ka suakpi na liauah an thlâktu tla sinah thudântuk ka siam mi hâwi khan asi lai lo rawh; an sinah thudân ka tuk mi lakah zumh an kâi lo ruangah, anmah tla chu ngaihlo lêm ka thlâk na,” Lalpa nih a ti.

LÂIRÊL 2:11

Churawhchun, Israel tla nih LALPA lakah thilsual ti hen Baal an sawnh rawh.

LÂIRÊL 2:17

Sikhawmsele, Israel tla nih anmah ruitu tla thu chu an ngâi duh lo. LALPA lakah Israel tla chu zumh an kâi lo le, pathian dang tla an sawnh rawh. An pa tla nih chun LALPA thupêk an zûl le, sikhawmsele thlâk thar tla nih chun chu hâwi ti ding mi chu an bângtâk sawm.

LÂIRÊL 2:19

Sikhawmsele chu ruitu chu a thi rawh chun an umdân li leiah kîr hen a lânah mi thlâktu ngâk hen an sual dauh. Midang pathian tla sawnh hen a rian an ṭuan le, sualnâk an ti mi chu lawnh ding an duh lo.

1 SAMUEL 15:11

“Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.