JEREMIA 10:9 - Bawm Common Language Bible Version

⁹ An milem tla Spain ram ah mi tangkasa hen an luanh, Uphaz ram ah mi ngûn hen an luanh, chubang zawzawng chu thilsiam thiamtu tla rianṭuan ver asi; puan senduk leh dumpâwl, puan tah thiam mi tla nih an tah mi hen an thuamh na.

JEREMIA 10:9 ပူးပေါင်းရင်းမြစ်များ

1 Lal 10:22

Tisumsumriat ah lawngrual Hiram lawngrual hen an kal mi tla a nei. Kum thum dan ah a lawngrual tla nih an kîr leiah ngûn, tangkasa, sâihâ, huho tla, zâwng tla an hawng put.

2 CHRONICLES 9:21

Lalchem Hiram lawng murui hen an kal tâwn mi timeilawng rual khawm a nei. Kum thum kip ah a lawngrual tla chu ngûn, tangka, sâihâ leh mei nei lo zâwng leh zâwng tla an hawng put tâwn.

SAM 115:4

An pathian tla chu ngûn leh tangkasa minung kut hen siam mi an si.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

ISAI 23:6

Nannih Phoinikia mi tla, ngaihsia hen âu u! Ruangsuak ding hen Spain leiah tek ding hen tum u!

ISAI 40:19

Milem siamtu nih thîr ngûn hen an luanh mi a tohnâk ah tangkasa an siam mi khawm nih a bangh lo.

EZEKIEL 27:12

“Spain ram ah saw na leh le, na thil tam tak man ah tangkasa, thîr, tâmâ leh suan na lâk.

EZEKIEL 27:7

Na lawng puanzâr chu puannêm, Aigupta ram ah mi puannêm thuamh mi asi. Râllât thawk khawm hen awldek hen theih asi. Na kawtkâ puanzâr chu puan ṭha chem, Kupra tikulh ah puan dumpâwl asi.

DANIAL 10:5

tlûnlei ka zauh le, âumawh puan nêm aih hen ngûn tâisâwm â sâwm mi ka muh.

HOSEA 8:6

Israel lakah mi zungthiam tla milem an siam mi chu pathian asi lêm lo! Samaria ah ngûn chawchal lem chu mântir dip asi lai.

JONA 1:3

Sikhawmsele Jona chu LALPA mâika ah mi chu tek ving ding hen Joppa khua ah a va kal le, Spain leiah kal ding mi lawng a tawng. Kal man a pêk le, lawng dâwngpu tla sinah a lût rawh.

HABAKUK 2:19

Thing pheltê sinah, “Meng” mawh, thing tan sinah, “Thawk!” na ti mi ruangah na vânduai rawh! Milem nih zei thil me a langh? Tangkasa leh ngûn hen luanh mi sikhawmsele, amah lakah nungnâk a um lêm lo.