JEREMIA 10:7 - Bawm Common Language Bible Version

⁷ Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 10:7 ပူးပေါင်းရင်းမြစ်များ

2 Lal 17:39

Kei LALPA, nan Pathian thu ngâi ule, nan mêlma tla lakah mi ruang kan suah na lai,” a ti.

1 CHRONICLES 16:25

LALPA chu a rokual le, fâk tak hen sawr ding asi; pathian dang zawzawng ngâk hen amah chu zah ding asi.

ESTHER 1:13

Lal nih krai a khâinâk thilti ding dân theihtu tla sinah an ngaihdân deih chu lal ti dân asi.

SAM 147:5

Kan LALPA chu a chak hen a rokual le, a finghnâk chu tah kho asi lo.

SAM 22:28

LALPA chu lalchem asi, phun tla lâi a rêl.

SAM 47:3

Mi le tla lakah nehnâk hawng kan pêk le; phun zawzawng tlûnah lâirêl ding hen hawng kan siam.

SAM 72:11

Lal zawzawng a mâika ah an kûn lai le; phun zawzawng tla nih a nâwl an zulh lai.

SAM 76:7

Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

SAM 86:8

LALPA, nang hâwi hi zei Pathian khawm a um lo; Thil na ti mi hâwi titu pakhat khawm an um lo.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

SAM 89:6

LALPA, nang hâwi vân ah âukhawm an um lo; vân minung tla lak khawm ah nang tluk âukhawm an um lo.

EXODUS 8:10

Lalchem nih a sâng le, “Thâi ah thla hawng ka cham piak,” a ti. Mosi nih, “Na ka deih hâwi hen ka ti lai le, LALPA, kan Pathian hâwi hi pathian dang âukhawm a um lo ti na theih lai rawh.

EXODUS 9:14

Tutan mi chu na rianṭuantu leh na minung tla lâwng ka rêp awtlo le, nangmah khawm kan rêp awt, chu tikah kei hâwi hi âukhawm laikulh ah an um lo ti na theih lai.

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

DANIAL 2:27

Danial nih a sâng le, “Bâwipa, nang rangah simh khotu ding hen mifing mitdâwi thiam, chamchawh thiam mawh vânlei thil theih khotu mawh âukhawm an um lo.

DANIAL 2:28

Sikhawmsele lal rangah muhtirtu vân Pathian a um, hi nûn mâilei thil a hawng um ding mi lal nangmah rangah a nan theihtir mi asi, tuah langhnâk na muh mi leh mang na it liauah na manh mi chu kan simh lai.

HABAKUK 3:2

LALPA, thil na ti mi ka theih le, lâunâk hen ka khat. Tuah kanmah san ah ti ding na tum mi thil rokual tak chu ti rawh. Thinrun khawm le, khuaruat.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

LUK 12:5

Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

JOSUA 4:24

Hi ruangah hin tual tlûnah mikip nih LALPA thilti a rokual zia an theihnâk ding leh LALPA nan Pathian chu nan zah kumzanâk ding hen asi,” a ti.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.