JEREMIA 10:6 - Bawm Common Language Bible Version

⁶ LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 10:6 ပူးပေါင်းရင်းမြစ်များ

2 SAMUEL 7:22

LALPA zahkâi, nang chu na rokual ngâk a! Nang hâwi âukhawm an um lo; nangmah cho Pathian na si zia kan theihkumza.

1 CHRONICLES 16:25

LALPA chu a rokual le, fâk tak hen sawr ding asi; pathian dang zawzawng ngâk hen amah chu zah ding asi.

NEHEMIAH 4:14

Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

NEHEMIAH 9:32

“Pathian, kan Pathian, nang chu na rokual châwk a! ṭihnung khawm na kai! Thil khawm na ti kho ngâk! Na thutiam lakah zumhkâi tak hen na um. Asiria lal tla nih hawng kan nehsawhnâk hen tutiang thungâi kan tuar! Kan lal tla, hawng kan ruitu tla, kan bâwlpu leh khuavâng tla, hawng kan thlâktu leh mi zawzawng nih kan tuar! Kan tuar fâk dân tla hi theihkumza rawh!

SAM 145:3

LALPA chu a rokual le, fâk tak hen sawr ding asi; a rokualnâk chu theih kho mi asi lo.

SAM 147:5

Kan LALPA chu a chak hen a rokual le, a finghnâk chu tah kho asi lo.

SAM 35:10

Ka thinlung tak hen LALPA sinah chun, “Nang hâwi hi pakhat khawm an um lo. Mi chak thawk hen mi chaklo ruang na suah, mi ngâkṭah chu nehsawhtu thawk hen ruang na suah.”

SAM 48:1

LALPA chu thungâi a rokual le, a tlâng thenhlimh ah mi kan Pathian khuapi ah fâk tak hen chawnglawmh ding asi.

SAM 96:4

LALPA chu a rokual le, sâng tak hen chawnglawmh ding asi; Pathian dang zawzawng ngâk hen zah ding asi.

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

EXODUS 8:10

Lalchem nih a sâng le, “Thâi ah thla hawng ka cham piak,” a ti. Mosi nih, “Na ka deih hâwi hen ka ti lai le, LALPA, kan Pathian hâwi hi pathian dang âukhawm a um lo ti na theih lai rawh.

EXODUS 9:14

Tutan mi chu na rianṭuantu leh na minung tla lâwng ka rêp awtlo le, nangmah khawm kan rêp awt, chu tikah kei hâwi hi âukhawm laikulh ah an um lo ti na theih lai.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 40:18

Pathian chu âu hen me kan tahṭhimh kho lai? Zei hâwi asi na sim kho lai ma?

ISAI 40:25

Pathian thenhlimh hi âu hen me tahṭhimh kho asi lai? Amah hâwi mi midang an um rerêng ma?

ISAI 46:5

LALPA nih, “Âu hen na hawng ka tahthimh awt?” a ti. “Keimah hâwi midang a um ma?

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

JEREMIA 10:16

Jakob Pathian lam chu anmah hâwi asi lo; zeizawng siamtu asi le, Israel mi tla chu amah mi tak siding hen a thîm na. A min chu LALPA Zeizawng tikho asi.

JEREMIA 32:18

Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

DANIAL 4:3

“Pathian nih thilchê hawng kan muhtir mi chu a rokaul châwk a! A thilchê ti tla chu a fâk a! Pathian chu lal asi kumza lai le, zeiliau zawng ah lâi a rêl kumza lai.”

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

DEUTERONOMY 32:31

An mêlma tla nih chun an pathian tla chu, Israel tla Pathian hâwi hen chun a chak lo ti an theih.

DEUTERONOMY 33:26

Israel mi tla, nan Pathian hâwi hi zei pathian khawm a um lo. Rokual tak hen vân ah â chuan le, Nanmah ṭangpi ding hen sûm lakah chuan hen a hawng kal.