JEREMIA 10:5 - Bawm Common Language Bible Version

⁵ Chubang hâwi milem tla chu chawngmazil phâisen ah langâk tla ṭih ding hen siam mi hâwi asi; an hawlh kho lo; an kal kho lo ruangah put an ngâi. Chubang tla chu ṭih na lah u: Zei nganfâk khawm an pêk na kho ding asi lo, ṭhat khawm an ṭhattir kho na ding asi lo,” a ti.

JEREMIA 10:5 ပူးပေါင်းရင်းမြစ်များ

1 Lal 18:26

Chawchal an pêk na mi chu an lâk le, an timhtuah le, Baal sinah nî sûn tiang hen thla an cham, “Baal, hawng kan sâng rawh!” ti hen an âu le, lâm bû hen mâichâm an hêl. Sikhawmsele sângnâk rêng a tleng lo.

2 CHRONICLES 25:15

Chu nih LALPA thin a thawktir le, Amaziah sinah khuavâng a fial. Khuavâng nih a sinah, “Zei rangah na thiltikhonâk lakah mi an mi tla vêng kholotu ram dang pathian tla na sawnh zia?” a ti.

ISAI 16:12

Moab mi tla chu an tlâng thenhlimh leiah leh an biakin leiah thlacham ding hen neng rê hen an kal le, sikhawmsele, chu nih chun zeikhawm a ṭhattir na lêm lo.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 46:1

“Hi hi Babulon pathian tla rangah a dawnghnâk chu asi! Bel leh Nebo chu veikhat chu sawnh hen an um le, sikhawmsele tu lam chun ran dî tak tla, sanatung kêng tlûnah phurhtir hen an um rawh.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 10:14

Chu chu an muh ruangah zeikhawm theihnâk nei lo hen an â thlo; milem siamtu tla khawm nih an pathian siam tla chu diklo leh nungnâk nei lo mi an si ruangah theihthiamnâk an nei rawh.

HABAKUK 2:19

Thing pheltê sinah, “Meng” mawh, thing tan sinah, “Thawk!” na ti mi ruangah na vânduai rawh! Milem nih zei thil me a langh? Tangkasa leh ngûn hen luanh mi sikhawmsele, amah lakah nungnâk a um lêm lo.

1 KORIN 12:2

Lunglo tla nan si liau khan zei ti kâng tal hen an ruai na nâk zawng ah khabang ruk hawlh kho lo tla leiah khan tlâupi hen nan um ti nan theih.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

DEUTERONOMY 4:28

Chunah chun minung kut hen siam mi pathian tla, thing pathian, lung pathian muh kho lo mi, theih kho lo mi, ei kho lo mi leh rim khawm theih kho lo mi nan sawnh lai.